Ѕвегорски манастир

Ѕвегорски манастир — манастир во областа Пијанец, во источниот дел на Македонија. Манастирот се наоѓа на западните падини на планината Влаина, по течението на реката Ѕвегор, покрај магистралниот пат кој води кон границата со Бугарија.

Ѕвегорски манастир

Манастирскиот конак
Информации
Целосно име	Ѕвегорски манастир
Други имиња	Манастир „Св. Илија“
Манастир на:	МПЦ - ОА
Основан	1991
Посветен на	Свети Илија
Епархија	Брегалничка
Цркви	Црква „Св. Илија“
Личности
Место
Место	во близина на Ѕвегор, Општина Делчево Македонија
Координати	41°58′36.5″N 22°49′18″E
Видливи остатоци	црква, конак, параклис
Отворен за јавноста	да
Други информации	(Ѕвегорска парохија)

Историја

Манастирот е изграден во 1991 година, кога била завршена и осветена манастирската црква.

Градби

Во склоп на манастирот влегуваат црква, параклис и конак. Во дворот на манастирот има долга празнична маса, фонтана, како и камен крст. Конакот е изграден од камен и е на два ката, од кои на вториот има голема тераса. На неговиот преден ѕид има мозаик на кој е прикажана картата на Обединета Македонија. Параклисот е сместен на височинка над манастирот, а во него има слика на Свети Георги и молитва.

Црква „Св. Илија“

Главна статија: Црква „Св. Илија“ - Ѕвегор

Камен-темелник за изградба на црквата бил поставен на 2 август 1990 година, а истата била изградена следната година и осветена на 15 септември 1991 година од страна на тогашниот Митрополитот Брегалнички г. Стефан. Храмот не е зографисан.

Галерија

• 
  Манастирската црква
• 
  Параклисот над манастирот
• 
  Слика на Свети Георги во параклисот
• 
  Камен крст во дворот на манастирот
• 
  Празничната маса во дворот на манастирот

Надворешни врски

• Ѕвегорски манастир на Ризницата ^?