Википедија

The Everly Brothers

американски рок-дует

Браќата Еверли (англиски: The Everly Brothers) ― американски рок-дует составен од браќата Ајзак Доналд „Дон“ Еверли и Филип „Фил“ Еверли. Биле познати по свирењето акустична гитара со челични жици и затвореното хармонично пеење. Нивната музика содржела елементи на рокенрол, кантри и поп-музика,[1] а тие станале пионери на кантри-рок музиката.[2][3]

The Everly Brothers
Фил (лево) и Дон Еверли во 1958 година
Животописни податоци
ПотеклоНоксвил, Тенеси, САД
Жанрови
Период на активност1956–1973, 1983–2005
ИздавачиCadence, London, Heliodor, Warner Bros., RCA Victor, Razor & Tie, Mercury
Поранешни членови
  • Дон Еверли
  • Фил Еверли

Браќата Еверли имале големо влијание врз музиката на генерацијата која следела. Многу врвни изведувачи од 1960-тите биле под големо влијание на затвореното хармонично пеење на Everly Brothers; меѓу нив биле: Битлси, Бич Бојс, Би Џис и Сајмон и Гарфанкел. Во 2015 година, списанието Ролинг Стоун ги ставило Everly Brothers на прво место на нивниот список од 20 најдобри дуети на сите времиња.[4] Браќата биле примени во Куќата на славните на рокенролот во 1986 година и во Куќата на славните на кантри музиката во 2001 година.

Историја на групата

уреди

Дон бил роден на 1 февруари 1937 година во Брауни, Кентаки, а Фил на 19 јануари 1939 година во Чикаго, Илиноис. Имале германско, англиско и чероки потекло.[5][6][7][8]

 
The Everly Brothers на насловната страница на Cash Box, 13 јули 1957 година

Нивниот татко, гитаристот Ајк Еверли, во текот на 1940-тите заедно со неговата сопруга Маргарет, правел емисии на месните радио-станици во Шенандоа, Ајова (KMA и KFNF). Во емисиите ги вклучил и двата сина кои настапувале под името "Little Donnie and Baby Boy Phil".[9] Настапувајќи со нивниот татко, браќата многу рано се запознале со музичката индустрија. Тие продолжиле да настапуваат со нивните мајка и татко, под името „Семејството Еверли“.

За време на нивните средношколски денови во Ноксвил, браќата настапувале на месното радио и во ТВ-емисија. Тие го привле вниманието на Чет Аткинс, менаџер на студиото RCA Victor во Нешвил. И покрај тоа што бил поврзан со RCA Victor, Аткинс на почетокот од 1956 година договорил Everly Brothers да снимаат за Columbia Records. Нивната песна „Keep a-Lovin' Me“, која ја напишал и ја компонирал Дон, не била успешна и тие биле исфрлени од издавачката куќа.[10]

Нивна прва хит песна била „Bye Bye Love“ (1957), издадена од Cadence Records и која претходно била отфрлена од 30 други изведувачи.[11] Песната се искачила на второ место на топ-листата за поп-музика, зад „(Let Me Be Your) Teddy Bear“ од Елвис Присли и прво место на топ-листата за кантри-музика.[11]

 
Реклама од Билборд, 17 август 1959 година

До крајот на 1958 година снимиле уште неколку хит-синглови меѓу кои најпознати се: „Wake Up Little Susie“, „All I Have to Do Is Dream“ и „Problems“. Браќата биле на турнеја со Бади Холи во 1957 и 1958 година.

 
Фил (лево) и Дон Еверли на фотографија за публицитет од 1965 година

По три години поминати во Cadence, во 1960 година браќата Еверли потпишале договор со Warner Bros. Records,[6] каде што се задржале 10 години. Нивниот прв хит со Ворнер Брос, „Cathy's Clown“ (1960), кој самите го напишале и компонирале, бил продаден во осум милиони примероци и станал нивна најпродавана плоча.[12]

Следеле уште неколку успешни синглови со Warner Bros во САД: „So Sad (To Watch Good Love Go Bad)“ (1960), „Walk Right Back“ (1961), „Crying in the Rain“ (1962), и „That's Old Fashioned“ (1962, нивен последен топ-10 хит во САД).

Следел пад на популарноста на групата во САД во преостанатите години од 1960-тите поради промената во вкусовите во популарната музика, долгогодишниот спор со извршниот директор од Acuff-Rose Music, Весли Роуз, и поради употребата на дрога од страна на браќата. Сепак, тие и понатаму издавале хит-синглови во Обединетото Кралство и во Канада и во текот на 1960-тите имале неколку успешни турнеи. На почетокот од 1970-тите, браќата почнале да објавуваат соло-песни; дуетот се распаднал во 1973 година.[13] Во 1983 година, Everly Brothers повторно се обединиле. Одвреме навреме настапувале заедно до смртта на Фил Еверли во 2014 година.

 
Браќата Еверли настапуваат во Њујорк, во 1980-тите

Фил Еверли починал од белодробна болест на 3 јануари 2014 година во Бурбенк, Калифорнија,[14] 16 дена пред неговиот 75-ти роденден.[15][16][17] Вдовицата на Фил, Пети, рекла дека виновник за смртта на нејзиниот сопруг била неговата навика за пушење, што предизвикало тој да развие хронична опструктивна белодробна болест.[18]

Дон починал во својот дом во Нешвил на 21 август 2021 година, на 84-годишна возраст.

Наводи

уреди
  1. ↑ Unterberger, Richie. „The Everly Brothers“. Allmusic. Посетено на September 20, 2021.
  2. ↑ „Down In The Bottom: The Country Rock Sessions 1966–1968 | The Everly Brothers“. Record Collector. March 23, 2020. Посетено на September 20, 2020.
  3. ↑ Hoffman, Jordan (August 22, 2021). „Don Everly, Half of the Everly Brothers, Pioneering Country-Rock Legend, Dies at Age 84“. Vanity Fair. Посетено на September 20, 2021.
  4. ↑ Празен навод (help)
  5. ↑ Oermann, Robert K. (December 17, 2021). „Margaret Everly Dies At Age 102“.
  6. ↑ 6,0 6,1 Unterberger, Richie. „Biography of the Everly Brothers“. AllMusic Guide. Посетено на September 20, 2009. Грешка во наводот: Неважечка ознака <ref>; називот „AMG“ е зададен повеќепати со различна содржина.
  7. ↑ Shearer, John. „Everly Brothers' mother, 99, recalls Bearden, Cas Walker and the ducktails“. Knoxville News Sentinel.
  8. ↑ „Everly Brothers Childhood Home“. Facebook (англиски). November 21, 2019. Архивирано од изворникот на February 26, 2022. Посетено на August 23, 2021.
  9. ↑ Pareles, Jon (January 4, 2014). „Phil Everly, Half of a Pioneer Rock Duo That Inspired Generations, Dies at 74“. New York Times. Посетено на January 4, 2014.
  10. ↑ MacGilbert, Molly (July 22, 2021). „The Untold Truth of the Everly Brothers“. Grunge. Посетено на September 11, 2021.
  11. ↑ 11,0 11,1 Lazell, Barry ed., with Dafydd Rees and Luke Crampton, Rock Movers & Shakers. Billboard Publications, New York, 1989, p. 171.
  12. ↑ „The Everly Brothers: Harmonies from Heaven“. BBC. Посетено на September 11, 2021.
  13. ↑ Marilyn and Hy Gardner, "Everly Brothers Too Close for Too Long". Springfield Union (MA), August 24, 1973, p. 27.
  14. ↑ Botelho, Greg; Todd Leopold (January 4, 2014). „Singer Phil Everly – half of legendary Everly Brothers – dies“. CNN. Посетено на May 28, 2014.
  15. ↑ „US Musician Phil Everly dies aged 74“. BBC. January 4, 2014. Посетено на January 4, 2014.
  16. ↑ Saul, Heather (January 4, 2014). „Phil Everly dead: World mourns younger of US rock and roll duo The Everly Brothers“. The Independent. Архивирано од изворникот на June 18, 2022. Посетено на January 4, 2014.
  17. ↑ Lewis, Randy (January 4, 2014). „Half of rock vocal duo the Everly Brothers“. Los Angeles Times. Архивирано од изворникот на January 12, 2014. Посетено на May 28, 2014.
  18. ↑ Schmitt, Brad. „Phil Everly's widow shares the pain of his COPD death“. The Tennessean. Посетено на August 26, 2021.

Надворешни врски

уреди
Преземено од „https://mk.wikipedia.org/w/index.php?title=The_Everly_Brothers&oldid=5303428“