Нилски коњи
| Нилски коњи Период: среден миоцен до денес | |
|---|---|
| |
| Hippopotamus amphibius | |
| Научна класификација | |
| Царство: | Животни |
| Колено: | Хордати |
| Класа: | Цицачи |
| Надред: | Cetartiodactyla |
| Ред: | Artiodactyla |
| Семејство: | Hippopotamidae Gray, 1821 |
| Родови | |
Нилските коњи спаѓаат во семејството Hippopotamidae. Тие се единствените преживеани животни од редот Artiodactyla (животни кои одат на 4 прсти на секое стапало).
Нилските коњи се големи цицачи, со кратки набиени нозе и тркалезно тело. Имаат големи глави, со широка уста, и ноздри поставени на врвот од муцката. Како и свињите, имаат 4 прсти, но за разлика од свињите, овие животни ги користат сите 4 прсти за одење. Желудникот им е поделен на 3 комори, но не спаѓаат во вистинските преживари.
Сите преживеани видови се со мазна кожа, немаат лојни и потни жлезди. Епидермот е релативно тенок поради што нилските коњи многу брзо дехидрираат ако се во сува околина[1].
И секачите и песјаците се големи и слични како забите на слоновите. Овие издадени песјаци растат преку целиот живот. Постпосјаците се големи и комплексни, адаптирани за џвакање на растенијата со кои се хранат овие животни. Бројот на секачите варира дури и меѓу единките на ист вид.
Еволуција
уредиЧленовите на ова семејство се потомци на семејството Anthracotheriidae, семејство на полуводни животни кои живееле за време на доцниот еоцен, и кои личеле на нилски коњи со мали глави. Денешното семејство Hippopotamidae се одвоила за време на миоценот. После појавата на вистинските нилски коњи, членовите на Anthracotheriidae почнале да изумираат како последица на климатските промени и на конкуренцијата со нивните потомци. Последниот ред Merycopotamus, умрел во Африка во раниот плиоцен.
Во минатото имало голем број на различни видови од ова семејство, меѓутоа денес има само 2 преживеани видови: Hippopotamus amphibius и Choeropsis liberiensis. Тие се последните потомци на 2 еволуциски гранки – вистинските нилски коњи и пигмејските нилски коњи.
Kenyapotamus кој живеел во миоценот, е недоволно познат за да може со сигурност да се вклучи во ова семејство. Родот Hexaprotodon, е ограничен на изумрени видови кои живееле околу северот и североистокот на индискиот океан.
Видови
уредиКласификацијата и таксономијата се според последните истражување на Боасери (Boisserie) во 2005 година[2].
- Род Hippopotamus – вистински хипопотами
- Hippopotamus amphibius - Нилски коњ
- Hippopotamus antiquus - Европски нилски коњ (изумрен вид)
- Hippopotamus creutzburgi - Критски нилски коњ (изумрен вид)
- Hippopotamus minor - Кипарски џуџест нилски коњ (изумрен вид)
- Hippopotamus melitensis - Малтешки нилски коњ (изумрен вид)
- Hippopotamus pentlandi - Сицилијански нилски коњ (изумрен вид)
- Hippopotamus lemerlei - (изумрен вид)
- Hippopotamus laloumena - (изумрен вид)
- Hippopotamus gorgops - (фосил)
- Род Choeropsis – пигмејски хипопотами
- Choeropsis liberiensis - Пигмејски нилски коњ
- Choeropsis madagascariensis - (изумрен вид)
- Род Hexaprotodon – Азијски хипопотами
- Hexaprotodon palaeindicus - Индиски нилски коњ (фосил)
- Hexaprotodon namadicus - (фосил) – најверојатно идентичен со H. palaeindicus
- Hexaprotodon bruneti - (фосил)
- Hexaprotodon sivalensis – (фосил)
- Hexaprotodon sp. - Мијанмарски нилски коњ (фосил)
- и некои други индонезиски видови од плеистоценот
- Род Archaeopotamus – во минатото спаѓале во Hexaprotodon
- Archaeopotamus harvardi (фосил)
- Archaeopotamus lothagamensis (фосил)
- и уште 1-2 неопишани видови
- Род Saotherium – во минатото спаѓал во Hexaprotodon
- Saotherium mingoz (фосил)
Наводи
уреди- ↑ Laws, Richard (1984). Macdonald, D. (уред.). The Encyclopedia of Mammals. New York: Facts on File. стр. 506-511. ISBN 0-87196-871-1.
- ↑ Boisserie identifies the species Hippopotamus minor as Phanourios minutus, but this genus is not widely recognized.
- Boisserie, Jean-Renaud (2005): The phylogeny and taxonomy of Hippopotamidae (Mammalia: Artiodactyla): a review based on morphology and cladistic analysis. Zool. J. Linn. Soc. 143(1): 1-26. doi:10.1111/j.1096-3642.2004.00138.x (HTML abstract)
- Petronio, C. (1995): Note on the taxonomy of Pleistocene hippopotamuses. Ibex 3: 53-55. PDF fulltext Архивирано на 12 септември 2008 г.
Надворешни врски
уреди- (англиски) Hippopotamidae Архивирано на 6 јануари 2009 г.
- (англиски) Hippopotamidae Animal Diversity Web