Кипарски џуџест нилски коњ
Кипарски џуџест нилски коњ
 Период: плеисотцен до холоцен | |
|---|---|
| Научна класификација | |
| Царство: | Животни |
| Колено: | Хордати |
| Класа: | Цицачи |
| Ред: | Artiodactyla |
| Семејство: | Hippopotamidae |
| Род: | Hippopotamus |
| Вид: | †H. minor |
| Научен назив | |
| †Hippopotamus minor Desmarest, 1822[1] | |
Кипарскиот џуџест нилски коњ (Hippopotamus minor) е изумрен вид на нилски коњ кој го населувал островот Кипар до почетокот на холоценот.
Овој 200 кг тежок нилски коњ бил со слична големина како и пигмејскиот нилски коњ. За разлика од денешниот пигмејски нилски коњ, се смета дека овој вид ја добил својата големина преку процесот на инсуларна еволуција која е последица на ограничениот простор (најчесто острови) на кои нема многу голем генетски диверзитет меѓу единките. Истиот еволуциски процес се забележува и кај џуџестите слонови и пигмејските мамути. Кипарскиот џуџест нилски коњ се проценува дека бил висок 76 сантиметри и долг 121 сантиметар[2].
Во времето кога овој вид изумрел пред 11 000-9 000 години, кипарскиот џуџест нилски коњ бил најголемото животно на островот Кипар. Овој хербивор се смета дека немал природни грабливци[3].
Некои археолошки места на Кипар не снабдуваат со докази кои укажуваат на тоа дека овој вид можно е да бил истребен од првите луѓе кои го населувале овој остров[4].
Сличен вид е и критскиот џуџест нилски коњ, кој живеел на островот Крит за време на плеистоценот.
Наводи
уреди- ↑ · Desmarest, A.G., 1822. Mammalogie ou description des espèces de mammifères. Mme Veuve Agasse imprimeur édit., Paris, 2ème part., pp.277-555.
- ↑ (англиски)Hadjicostis, Menelaos (6 декември 2007). „Dwarf Hippo Fossils Found on Cyprus“. Fox Television. The Associated Press. Архивирано од изворникот на 2009-02-11. Посетено на 2007-12-06.
- ↑ (англиски)Burness, Gary P. and Jared Diamond, and Timothy Flannery, "Dinosaurs, dragons, and dwarfs: The evolution of maximal body size," Proc Natl Acad Sci U S A. 2001 Nov 27 In PDF
- ↑ (англиски)The earliest prehistory of Cyprus from colonization to exploitation, ed. Swiny, Stuart, American Schools of Oriental Research, 2001, In PDF Архивирано на 28 септември 2007 г.