Бојан Шоптрајанов
Бојан Шоптрајанов, академик и доктор на науки, (26 јануари 1937, Чачак ― Скопје, 10 август 2024)[1] ― македонски хемичар, одговорен за многу резултати на планот на развојот и афирмацијата на хемиската наука во Македонија и во светот, како и на унапредувањето и на осовременувањето на образованието од областа на хемијата во Македонија. Тој е автор на околу 202 научни трудови кои се печатени главно во меѓународни списанија и на 15 учебници и учебни помагала (вкупно 43 библиографски учебникарски единици) за средно образование, а имал 40-годишно искуство на континуирано образовање на високообразовни кадри.[1][2]
| Бојан Шоптрајанов | |
|---|---|
 | |
| Роден(а) | 26 јануари, 1937 Чачак, Србија |
| Починал(а) | 10 август, 2024 Скопје, Македонија |
| Државјанство | Македонец |
| Полиња | Структурна хемија¹ Хемиско образование[1] |
| Образование | Природно-математички факултет Универзитет „Св. Кирил и Методиј“ Скопје |
Белешки ¹особено активен на полето на вибрационата спектроскопија | |
Шоптрајанов од 1996 е редовен член на Македонската академија на науките и уметностите,[1] а во 2007 стана еден од нејзините потпретседатели[3][4] откако беше меѓу најсериозните кандидати за нејзин претседател[5].
Добитник е на голем број на награди и признанија, меѓу кои се вклучуваат Златна плакета и признание (1986) од движењето „Наука на младите“ на Југославија; „Томазиусов медал“ (1987) од Универзитетот во Хале (Германија), Повелба на Универзитетот „Св. Кирил и Методиј“ (2003), награда „11 октомври“ (2005) и многу други.[1]
  | Оваа статија за личност од Македонија е никулец. Можете да помогнете со тоа што ќе ја проширите. |
Наводи
уреди- ↑ 1,0 1,1 1,2 1,3 1,4 „Академик д-р Бојан Шоптрајанов“. Институт за хемија, ПМФ, УКИМ, Скопје. Архивирано од изворникот на 2009-09-23. Посетено на 20 јуни 2009.
- ↑ „Бојан Шоптрајанов: Високата награда ќе ја добијат шест поединци и едно друштво“. „Утрински весник“, број 1901. 16 октомври 2006. Посетено на 20 јуни 2009.
- ↑ „МАНУ: Претседателство“. Македонска академија на науките и уметностите. Архивирано од изворникот на 2011-04-20. Посетено на 20 јуни 2009. (англиски)
- ↑ Александра Бубевска (3 декември 2007). „Старделов е нов претседател на МАНУ, Шоптрајанов и Камбовски потпретседатели“. А1 телевизија. Посетено на 20 јуни 2009.
- ↑ Александра Бубевска (28 ноември 2007). „Се избира новиот претседател на МАНУ“. А1 телевизија. Посетено на 20 јуни 2009.
 | Оваа статија од областа на хемијата е никулец. Можете да помогнете со тоа што ќе ја проширите. |