Чорба

Чорба
	Шкембе-чорба
Вид	супа
Дел од оброкот	предјадење или главен
Место на потекло	Турција
Регион	Балкан, Источна Европа, Близок Исток, Северна Африка, Средна Азија, Јужна Азија
Температура на послужување	топла или ладна
Главни состојки	месо (јагнешко, телешко, шкембе), риба, зеленчук (печурки, домат, спанаќ, грашок, компир)

Чорба (турски: çorba) — вид супа својствена за националните кујни во балканските земји, Источна Европа, Блискиот Исток, Северна Африка, Средна Азија, Јужна Азија.

Чорбата потекнува од Турција и се правела пред сè од шкембе^[1]. Се правела со пропржување на ситно исечкан кромид на масло, на што се додавале ситно иситнетите парчиња шкембе. Се турало вода и се оставало да се вари на тивок оган.

Сите останати подоцнежни варијанти на чорби, од друго месо, додавање на зеленчук, сок од лимон и слично, се варијанти на основната чорба.

Во Османлиското Царство постоел дури и еснаф на мајстори за чорба. Кај јаничарите, чинот полковник се нарекувал чорбаџија.