Црногорски јазик

Црногорскиот јазик (црногорски: Crnogorski jezik) е јужнословенски јазик и една од стандардните норми на српскохрватскиот јазик. Јазикот е службен во Црна Гора. Црногорскиот се заснова на ијекавското-штокавско наречје. Неговото стандардизирање всушност започнува во 2005 година. Во времето на СФРЈ за службен јазик во Црна Гора бил сметан српско-хрватскиот јазик. Со распадот на СФРЈ, а со тоа и на српско-хрватскиот јазик како официјален, во новосоздадените држави како официјални се воведуваат јазиците наречени според нацијата, па така како службениот јазик бил наречен „српски јазик од ијекавското наречје“.

Црногорски јазик
Crnogorski jezik
Застапен во	Црна Гора Албанија Србија
Подрачје	Балкан
Говорници	околу 144.838 луѓе
Јазично семејство	индоевропско словенски јужнословенски штокавски црногорски јазик
Статус
Службен во	Црна Гора
Регулативен орган	Одбор за стандардизација на црногорскиот јазик
Јазични кодови
ISO 639-2	sla
ISO 639-3	srp

Кодификација

Во јануари 2008 година, владата на Црна Гора составила Одбор за стандардизирање на црногорскиот јазик, чиј главна цел била стандардизација на јазикот според меѓународните норми. Понатамошните документи, после верификацијата, станале дел од образовната програма на црногорското образование.

Првиот црногорски стандард бил официјално предложен во јули 2009 година. Покрај веќе стандардизираната форма на српскохрватскиот, со новиот предлог се опфаќале две нови букви, односно се предложиле буквите ‹ś› и ‹ź› како замена за диграфите ‹sj› и ‹zj›. Одборот првично предложил два предлога, но владата не ги прифатила, но сепак бил прифатен третиот предлог на Одборот. На 21 јуни 2010 година Советот за општо образование ја прифатил првата граматика на црногорскиот јазик.

Дијалекти

Црногорскиот јазик има два дијалекта, дел од штокавското наречје. Дијалектите на црногорскиот јазик се:

• Источнохерцеговски дијалект - се зборува во западниот и северозападниот дел од земјата
• Зетско-јужносанџачки дијалект - се зборува во остатокот од земјата

Азбука

Главна статија: Црногорска азбука

Црногорската азбука е двописен систем, односно официјално двете писма и латиницата и кирилицата уживаат еднаков статус, но латиницата доста повеќе се користи. Азбуката била усвоена на 9 јуни 2009 година од министерот за образование на Црна Гора Сретен Шкулетиќ. Оваа азбука ги заменила српскохрватската латиница и кирилица.

Латиница

Aa

Bb

Cc

Čč

Ćć

Dd

Dždž

Đđ

Ee

Ff

Gg

Hh

Ii

Jj

Kk

Ll

Lj lj

Mm

Nn

Nj nj

Oo

Pp

Rr

Ss

Šš

Śś

Tt

Uu

Vv

Zz

Žž

Źź

Кирилица

Аа

Бб

Вв

Гг

Дд

Ђђ

Ее

Жж

Зз

З́з́

Ии

Јј

Кк

Лл

Љљ

Мм

Нн

Њњ

Оо

Пп

Рр

Сс

С́с́

Тт

Ћћ

Уу

Фф

Хх

Цц

Чч

Џџ

Шш

Македонски изговор и распоред

а

б

в

г

д

ѓ

е

ж

з

зј

и

ј

к

л

љ

м

н

њ

о

п

р

с

сј

т

ќ

у

ф

х

ц

ч

џ

ш

Поврзано

• Црногорци
• Црногорска азбука
• Црна Гора
• Јужнословенски јазици

Надворешни врски

• Јазикот на Црна Гора
• Црногорски јазик на montenegrina.net Архивирано на 30 април 2006 г.