Црква „Св. Павле“ - Бер
Свети Павле (грчки: Άγιος Παύλος) или Стара митрополија (Παλαιά Μητρόπολη) — црква во градот Бер, Егејска Македонија. Влегува во состав на Берско-негушко-камбаниската епархија на Цариградската патријаршија.[1][2]
| Свети Павле | |
|---|---|
| Παλαιά Μητρόπολη | |
 Поглед на црквата | |
 | |
| 40°31′20.64″N 22°12′6.12″E / 40.5224000° СГШ; 22.2017000° ИГД | |
| Место | Бер |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Изградба | 1070 - 1080 |
| Управа | |
| Архијерејско намесништво | Бер |
| Епархија | Берско-негушко-камбаниска |
Црквата се наоѓа на главната улица „Кендрикис“. Според записот на западниот влез, изградена е како епископска катедрала од 1070 до 1080 г. по нарачка на митрополитот Никита. Се вбројува меѓу најголемите храмови на Балканот од средновизантискиот период. Претставува трикорабна базилика со дрвен покрив, чиј изглед се води по примерот на „Св. Димитрија“ во Солун. Денес не е зачуван јужниот кораб. Наосот е поврзан со припратата со трокрилна врата. На исток завршува со полукружна апсида.[1] Зачувани се дел од фреските, изработени во 1215/16 - 1224/25 г. кога со градот управувал епирскиот деспот Теодор Комнин Дука, сметани за едни од најважните од тој период. Зачувани се и фреските од крајот на XIII до почетокот на XIV век, можеби малку пред 1320 г., кои исто така се меѓу најдобрите примери на Палеолошката ренесанса.[3]
По доаѓањето на Османлиите во 1433 г., архиепископот Арсениј е обесен пред црквата, а храмот е претворенво во џамија од завојувачот Муса Челебија. Оваа џамија се нарекувала „Атик“, „Султан Мурат Худавендигар“ или „Хјунќар-џамија“ (турски: Âtik, Sultan Murad Hüdâvendigâr, Hünkâr Camii). Во турско време доградено е високо минаре од делкан камен и тули и портик. Минарето денес е во полусрушена состојба.[4][5]
Во 1924 г. црквата е прогласена за споменик на културата.[6]
- Фрески од црквата
-
-
-
-
-
Поврзано
уредиНаводи
уреди- ↑ 1,0 1,1 Πέτκος, Αντώνης. „Ναός Παλαιάς Μητρόπολης Βέροιας“. Υπουργείο Πολιτισμού και Αθλητισμού. Архивирано од изворникот на 2022-05-28. Посетено на 18 мај 2014.
- ↑ „Παλαιά Μητρόπολη“. Discover Veria. Посетено на 31 јули 2016.
- ↑ „The Old Metropolis of Veroia“. Hellenic Macedonia. Посетено на 7 мај 2014.
- ↑ „Âtik Mosque (Sultan Murad Hüdâvendigâr Mosque) Hünkâr Mosque“. Traces of Ottoman. Архивирано од изворникот на 2014-05-08. Посетено на 7 мај 2014.
- ↑ „Βυζαντινή Βέροια“. Δήμος Βέροιας. Архивирано од изворникот на 2014-05-08. Посетено на 7 мај 2014.
- ↑ „ΠΔ 3-11-1924 - ΦΕΚ 279/Α/6-11-1924“. Διαρκής κατάλογος κηρυγμένων αρχαιολογικών τόπων και μνημείων. Посетено на 9 јули 2018.[мртва врска]
Надворешни врски
уреди
Црква „Св. Павле“ - Бер на Ризницата ?
