Црква „Св. Никола“ - Трсје

црква во Трсје, Леринско

Свети Никола (грчки: Aγίου Νικολάου) — црква во селото Трсје, Леринско, Егејска Македонија. Влегува во состав на Леринско-преспанско-еордејската епархија на Цариградската патријаршија.[1][2][3]

Свети Никола
Aγίου Νικολάου
40°44′25.5″N 21°17′56.3″E / 40.740417° СГШ; 21.298972° ИГД / 40.740417; 21.298972Координати: 40°44′25.5″N 21°17′56.3″E / 40.740417° СГШ; 21.298972° ИГД / 40.740417; 21.298972
МестоТрсје, Леринско
ЗемјаЕгејска Македонија, Грција
ВероисповедЦариградска патријаршија
Архитектура
Културнонаследна категоријаспоменик на културата
Архитект(и)Константин Белкаменски
Архитектонски типтрикорабна базилика
Стилзападномакедонски
Изградба1864
Управа
Архијерејско намесништвоЛеринско
ЕпархијаЛеринско-преспанско-еордејска

Изградбата на храмот ја покренал учителот Отец Герасим од Трсје, кој се вратил од Света Гора и ги организирал соселаните да изградат нова црква.[1][4][5] Изградена е од мајсори од Бел Камен. На плоча е напишан датумот 15 јули 1864 и името на главниот мајстор Константин Белкаменски.[1] Во архитектонски поглед градбата е трикорабна базилика во западномакедонски стил со дрвен покрив, трем од југ и нартекс и женска црква над него. Забележителен е разбаниот и насликан иконостас со 61 икона изработени од Адамче Најдов во XIX век, разбаниот амвон и двата резбани владички престола.[6] Десната страна на иконостасот со иконата на Архангел Махаил е платена од семејството Манговци-Поп Јованови.[1] Во храмот има зачувани икони од пред 1800 г.[1] Натписите во него се словенски, а Отец Герасим пеел на црковнословенски. По неговата смрт во 1889 г. отецот е погребан во храмот, до проскомидијата.[5] Внатре во црквата се зачувани седум царски икони од XIX век, 54 икони вградени во дрвениот иконостас и една икона од 1801 г. поставена на амвонот.[2]

Храмот имал убава камбанарија висока 15 м со два врежани портрета. Срушена е од леринскиот управник Цакцирас.[1]

Црквата е прогласена за споменик на културата во 1994 г.[6]

ПоврзаноУреди

НаводиУреди

  1. 1,0 1,1 1,2 1,3 1,4 1,5 „Τρίβουνο (Τίρσιε Τύρσια) Φλώρινας“. Florina History. Посетено на 1 јануари 2016.
  2. 2,0 2,1 „11η Εφορεία Βυζαντινών Αρχαιοτήτων“ (PDF). Αρχαιολογικόν Δελτίον. Αθήνα: Υπουργείο Πολιτισμού. Τόμος 49 (1994), Χρονικά Β'2: 576. 1999. ISSN 0570-622Χ. Архивирано од изворникот (PDF) на 2018-05-10.
  3. Μπαλασάς, Αθανάσιος Κ (2015). „Ιστορικά Στοιχεία, αρχιτεκτονικός πλούτος και μια πρόταση αναβίωσης της περιοχής των Κορεστείων Καστοριάς“ (PDF). Βαλκανικά σύμμεικτα (грчки) (17): 228.
  4. Македонски дневник. Спомени на отец Търпо Поповски. София: ФАМА. 2006. стр. 25. ISBN 954-597-245-9.
  5. 5,0 5,1 Биогафски белешки за Отец Герасим Келуѓерот по спомените на Васил Јанков, Димитър Стојанов, Паско Атанасов и Светко Николов од с. Трсје, Леринско, во: Борбите в Македония - Спомени на отец Герасим, Георги Райков, Дельо Марковски, Илия Докторов, Васил Драгомиров“, Звезди, София, 2005, стр. 10.
  6. 6,0 6,1 „ΥΑ ΥΠΠΟ/ΑΡΧ/Β1/Φ32/7196/107/30-3-1994 - ΦΕΚ 297/Β/21-4-1994“. Διαρκής κατάλογος κηρυγμένων αρχαιολογικών τόπων και μνημείων. Посетено на 15 мај 2015.