Црква „Св. Илија“ - Лесково
Св. Илија — црква кај демирхисарското село Лесково. Му припаѓа на Крушевско-демирхисарското архијерејско намесништво во Преспанско-пелагониската епархија на МПЦ - ОА. Денес црквата е во урнатини, а обновената црква е сместена на друго место во атарот.
  Свети Илија
| |
| македонска православна црква | |
| Епархија | Преспанско-пелагониска |
| Архијерејско намесништво | Крушевско-демирхисарско |
| Парохија | Сопотничка |
| Местоположба | |
|---|---|
|
| |
| Координати | 41°4′8.8″N 21°19′2.3″E / 41.069111° СГШ; 21.317306° ИГД |
| Место | Лесково |
| Општина | Демир Хисар |
| Држава | Македонија |
| Општи податоци | |
| Покровител | Пророк Илија |
| Изградба | XIX век / 1980 |
| Архитектонски опис | |
| Архит. тип | еднокорабна |
Стара црква уреди
Старата Црква, која денес е во урнатини, е гробишен храм, сместен во Долната Маала на Лесково (41°13′22″N 21°07′08″E / 41.2228° СГШ; 21.1190° ИГД). Изградена е кон крајот на XIX век.[1] Ова е еднокорабна градба со висок дрвен свод и полукружна апсида на исток. Ѕидаријата е од кршен камен, а отворите и венецот е од делкан бигор. Покривот е на две води со ќерамиди, а тој на апсидата е со камени плочки. Фасадите се фугирани. На северниот и јужниот ѕид одвнатре има пиластри кои продолжуваат како ребра на сводот. Внатрешноста е малтерисана, но без живопис. Иконостасот е од даски. На запад има трем со приземје и кат. На влезот стои икона од Пророк Илија.[1]
Нова црква уреди
Новата црква со истото се наоѓа во месноста Илиница, на 1,5 км источно над селото. Таа е еднокорабна, со малтерисана и варосана фасада. До неа има чешма и помошни објекти. Обновена е во 1980 г.[2] врз темелите на средновековна црква со истото име,[3] која веројатно била првата селска црква посветена на пророкот Илија.
Поврзано уреди
Наводи уреди
- ↑ 1,0 1,1 Димитров, Никола В. (2017). Географија на населби - Општина Демир Хисар (PDF). Битола. стр. 53. ISBN 978-608-65616-4-2.
- ↑ „Лесково“. Мој Роден Крај. Архивирано од изворникот на 2018-08-18. Посетено на 28 декември 2021.
- ↑ Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 139. ISBN 9989-649-28-6.