Хорхе Македа

Хорхе Македа е шпански ракометар, висок 1,95 метри и тежок 102 килограми. Тој игра на позицијата десен бек.

Македа пред настап во Мадрид, 2013 г.

Кариера

Македа на настап во Мадрид, 2013 г.

Клупска кариера

Својата кариера, Македа ја започнал во шпанскиот клуб „Вилјафранка“, а во 2005 година станал професионан ракометар, потпишувајќи за РК „Барцелона“, каде останал до 2007 година. Потоа, од 2007 до 2009 година, тој играл во шпанскиот клуб „Алкобендас“, а од 2009 до 2012 година, играл во „Арагон“. Во 2012 година, Македа преминал во францускиот клуб „Нант“, каде во просек давал по пет гола на натпревар, додека во сезоната 2014-2015, неговиот просек паднал на 3,3 гола по натпревар. Во ноември 2014 година, по натпреварот со „Веспрем“, РК „Вардар“ соопштил дека потпишал договор со Македа, со важност до јуни 2017 година.

Репрезентативни настапи

Македа на натпреварот потив Словенија на Светското првенство во 2014 г.

Македа настапувал за репрезентациите на Шпанија до 19 и до 21 година, а подоцна и за првиот состав на Шпанија. Притоа, тој го освоил бронзениот медал на СП 2011 и златен медал на СП 2013, како и бронзен медал на ЕП 2014.