Хашимотов тироидитис
Хашимотов тириоидитис или хроничен лимфоцитен тироидитис е автоимуно заболување во кое штитната жлезда е нападната од голем број на клеточни и противтело-посредувани имуни процеси.[1] Ова било првото заболување кое било откриено како автоимуно заболување.[2] Првпат било опишано од страна на јапонскиот специјалист Хашимото Хакару во Германија во 1912 година.
| Хашимотов тироидитис | |
|---|---|
| Синоними | Хашимотова болест |
 | |
| Штитна жлезда на лице со Хашимотов тироидитис | |
| Специјалност | Ендокринологија |
| Симптоми | Безболна гушавост, зголемување на телесната тежина, замор, констипација, депресија, сува кожа, губиток на коса |
| Компликации | Тироиден лимфом. |
| Вообичаена појава | 30–50 години |
| Причинители | Генетски и фактори од средината. |
| Ризик-фактори | Семејна историја, друго автоимуно заболување |
| Дијагностички метод | TSH, T4, анти-тироидни автоантитела |
| Диференцијална дијагноза | Базедова болест, нетоксична нодуларна гушавост |
| Лекување | Левотироксин, хируршка интервенција |
| Честота | 5% |
 | Ве молиме, обрнете внимание на ова важно предупредување во врска со темите од областа на медицината (здравјето). |
Знаци и симптоми
уредиХашимотовиот тироидитис многу често резултира со хипотироидизам со периоди на хипертироидизам. Некои од симптомите се: микседематозна психоза, добивање во тежина, забрзан пулс, напади на паника,[1] депресија, манија, чувствителност на топлина и студ, парестезии, замор, брадикардија, тахикардија, зголемено ниво на холестерол, реактивна хипогликемија, констипација, мигрена, мускулна слабост, грчеви, губиток на меморија, неплодност и губиток на косата.
Штитната жлезда може да стане цврста, зголемена и лобулирана, но промените може да бидат и непалпабилни.[3] Зголемувањето на жлездата повеќе се должи на лимфоцитната инфилтрација и фиброзата отколку на ткивната хипертрофија. Физиолошки, антителата насочени против штитната пероксидаза и/или тироглобулинот предизвикуваат постепено уништување на тироидните фоликули. Така, болеста може да се открие преку откривање на овие антитела во крвта. Болеста се одликува и со инвазија на ткивото на штитната жлезда со леукоцити, главно Т-лимфоцити и е во врска со Не-Хочкинов лимфом. Во подоцните стадиуми на болеста, пациентот може да има изглед на „лавовска маска“. Ова се опишува како длабоки брчки на лицето во делот околу усата и брадата и џебови на олабавено месо под и околу очите; изглед кој наликува на лав.
Наводи
уреди- ↑ 1,0 1,1 „Што е болеста Хашимото?“, Слободен печат, година IV, број 940, вторник, 13 декември 2016, стр. 19.
- ↑ Nakazawa, Donna (2008). The Autoimmune Epidemic. New York: Simon & Schuster. стр. 32–35. ISBN 9780743277754.
- ↑ Page 56 in: Staecker, Hinrich; Thomas R. Van De Water; Van de Water, Thomas R. (2006). Otolaryngology: basic science and clinical review. Stuttgart: Thieme. ISBN 0-86577-901-5.CS1-одржување: повеќе имиња: список на автори (link)
Надворешни врски
уреди| Класификација | |
|---|---|
| Надворешни извори |