Фурланија-Јулиска Краина

Фурланија-Јулиска Краина
Фурланија-Јулиска Краина
	Автономен регион
Знаме	Грб
	Химна: Incuintri al doman;
Држава	Италија
Главен Град	Трст
Управа
• Претседател	Масимилијано Федрига
Површина
• Вкупна	7.924 км2 (3,059 ми2)
Население (31 август 2017)
• Вкупно	1.216.524
• Густина	150/км2 (400/ми2)
Час. појас	CET (UTC+1)
• Лето (ЛСВ)	CEST (UTC+2)
Повик. бр.	IT-36
БДП(номинален)	€38 billion (2018)
БДП (по град)	€31,200 (2018)
ИЧР (2021)	0.905; многу високо ·
Мреж. место	www.regione.fvg.it

Автономен регион Фруланија-Јулиска Краина (италијански: Friuli-Venezia Giulia, фурл., словенечки: Furlanija-Julijska krajina,германски: Friaul-Julisch Venetien) е еден од 20-те региони во Италија и еден од 5-те автономни региони со посебен статус. Главен град на покраината е градот Трст, а втор по големина и најважен е Удине.

Провинцијата Фруланија-Јулиска Краина е една од оние транспортно важни области во Европа, каде што Апенинскиот Полуостров е поврзан со Источна и Централна Европа. Има и многу јасно изразени влијанија од север и исток, кои на овој дел од Италија му даваат низа особености.

Положба

Фруланија-Јулиска Краина е најсевероисточната провинција во Италија, граничи со Словенија на исток и Австрија на север. На запад се наоѓа италијанската провинција Венето, а на југ се наоѓа Јадранското Море.

Како што е во името, покраината се состои од две историски области:

Фриуланија или Фриули, западниот регион во падската низина, населен главно со италијанско население;
Јулијанската територија, источниот регион потпрен на Динаридите и населен со мешано население (Италијанци, Словенци, Германци);

Природни одлики

Површината на покраината е 7.856, а според ова, Фруланија-Јулиска Краина е една од најмалите италијански региони.

Релјеф

Во рамките на регионот Фруланија-Јулиска Краина, се разликуваат неколку природни единици во правец југ-север. Јужниот дел е рамна област долж северниот брег на Јадранското Море . Тоа е крајниот источен дел падската низина. Овој дел зафаќа 38% од површината на регионот и е местото каде што се одгледуваат жито и зеленчук. Централниот дел е ридски со лозја и овоштарници. Овој дел зафаќа 19% од површината. Северниот дел е планински како последица на Алпите со голем број густо населени долини. Многу мал дел на исток кај Динаридите има карстни форми. Овој дел зафаќа 43% од површината.

Клима

Климата во провинцијата Фруланија-Јулиска Краина е изменета средоземноморкса со значителни влијанија од континенталната од север. Затоа, зимите се поостри, а летата се поблаги отколку во другите делови на Италија. Ваквата комбинација на клими доведува со чести јаки ветрови.

Вода

Јужната граница на регионот е северниот брег на Јадранското Море, кој овде е прилично мочурлив и тешко пристапен. Главните реки имаат меридијански правец и течат од Алпите до Јадранското Море. Најважната и централно поставена река е Таљаменто, а на исток е долниот дел од потокот Соча. Реките имаат значителен пад и се полноводни во долниот дел од нивниот слив.

Административна поделба

Фруланија-Јулиска Краина- области

Фруланија-Јулиска Краина е поделена на 4 области, т.е. провинции со градови со исто име како административни центри:

Популација

Денес, Фруланија-Јулиска Краина има околу 1,2 милиони жители. Во последните сто години, бројот на жители речиси и не се променил.

Густината на населението е околу 160 луѓе/км², што е помалку од националниот просек (200 луѓе). Рамничарскиот дел на покраината е многу погусто населен од северната, алпска област. Областа на Трст е особено густо населена.

Етничката слика на покраината е значително различна отколку во случајот со другите италијански провинции . Така, во покраината доминира италијанско население, но со фрулијанскиот јазик како мајчин јазик. Словенечкото национално малцинство живее во деловите до Словенија, а германското малцинство во делот до Австрија. Влијанието на граничниот карактер на покраината се одразува и во големиот удел на населението со привремен престој (6,7%).