Теодор II Палеолог

Теодор II Палеолог (грчки: Θεόδωρος Β΄ Παλαιολόγος, Theodōros II Palaiologos, Theodore II Palaiologos, Palaeologus, 1396 - 26 јануари 1448) бил византиски деспот на Мореја од 1407 до 1443 година.

Теодор II Палеолог Θεόδωρος Β΄ Παλαιολόγος
Деспот на Мореја
Теодор како дете
Византиски деспот на Мореја
На престол	1407 - 1443
Претходник	Тодор I Палеолог
Наследник	Константин XI Палеолог
Роден(а)	1396
Починал(а)	26 јануари 1448
Сопружник	Клеофа Малатеста
Династија	Палеолози
Татко	Мануил II Палеолог
Мајка	Елена Драгаш

Син е на византискиот цар Мануил II Палеолог (1350-1425) и Елена Драгаш (1372-1450), ќерка на велбуџскиот владетел Константин Драгаш, која веројатно била внука на цар Јован Александар. Теодор бил брат на византиските цари Јован VIII Палеолог и Константин XI Палеолог, како и на деспотите на Мореја, Димитар Палеолог и Тома Палеолог и на деспотот на Солун Андроник Палеолог.

Во 1407 година тој го наследил неговиот чичко Теодор I Палеолог како деспот на Мореја. Бидејќи бил малолетен, татко му останал во Мореја и започнал со изградба во 1415 година на Хексамилион. Дворот на главниот град Мистрал станал центар на византиската култура. Византискиот научник Плитон се преселил од Цариград во Мистрал. Тој таму основал филозофско училиште. Најпознатиот ученик бил теологот Василиј Бесарион. Теодор бил добар математичар.

Во мај 1423 година Турците започнале инвазија во МОреја под команда на Турахан Бег, Теодор се обврзал да им плаќа данок.

Теодор II имал право за наследство на престолот како византиски цар на Јован VIII Палеолог, но своите права ги дал на помалиот брат Константин XI Палеолог, и наместо тао станал сопственик на Силиври, каде починал од чума во 1448 година.

Литература

• Oxford Dictionary of Byzantium, Oxford University Press, 1991.
• Joseph Freiherr von Hammer-Purgstall "Geschichte des Osmanischen Reiches"
• Edward Gibbon "The History of the Decline and Fall of the Roman Empire"
• George Sphrantzes : The Fall of the Byzantine Empire