Сона и Лоара
Сона и Лоара (француски: Saône-et-Loire; франкопровансалски: Sona-et-Lêre) — департман во регионот Бургундија-Франш Конт, Франција. Наречен е по реките Сона и Лоара, меѓу кои се наоѓа.
| Сона и Лоара Saône-et-Loire | |||
|---|---|---|---|
| департман | |||
 Префектурата во Макон | |||
| |||
 Location of Saône-et-Loire in France | |||
| Земја | Франција | ||
| Регион | Бургундија-Франш Конт | ||
| Префектура | Макон | ||
| Потпрефектури | Отен Шалон на Сона Шарол Луан | ||
| Управа | |||
| • Претседател на департманскиот совет | Андре Акари[1] | ||
| Површина | |||
| • Вкупна | 8.575 км2 (3,311 ми2) | ||
| Население (2019) | |||
| • Вкупно | 551.493 | ||
| • Густина | 64/км2 (170/ми2) | ||
| Час. појас | CET (UTC+1) | ||
| • Лето (ЛСВ) | CEST (UTC+2) | ||
| Департман бр. | 71 | ||
| Окрузи | 5 | ||
| Кантони | 29 | ||
| Општини | 565 | ||
Ова е најнаселениот департман во Регионот со населени од 55.,493 жители во 2019 г.[2] Се наоѓа во нјјужниот дел на регионот, на границата со Оверњ-Рона-Алпи. Префектура (седиште) е Макон, а потпрефектури се Отен, Шалон На Сона, Шарол и Луан.
Историја
уредиДепартманот е основан за време на Француската револуција на 4 март 1790 г. согласно законот од 1789 г. Бил составен од делови од тогашната покраина јужна Бургундија и покраината Брес, обединувајќи краеви кои немале ништо заедничко во историски, политички или географски поглед. Места од историско значење се Отен, Макон, Шалон на Сона, Шарол и Луан.
Географија
уредиСона и Лоара е седми департман по големина во Франција. Во западниот дел се протегаат ридовите на Отенскиот крај (околу Отен), на југозапад е Шаролскиот, а на југ е Маконскиот крај.
Средината на департманот го сече реката Сона која тече низ широна низина во правец север-југ. Сона е притока на Рона во која се влева кај Лион, и така е поврзана со Средоземното Море. Изворот на Лоара се наоѓа јужно, во департманот Ардеш. Потоа реката тече во спротивна насока, образувајќи ја југозападната граница на департманот, па на крај се влева во Атлантскиот Океан. Централниот Канал ги поврзува Сона и Лоара помеѓу Шалон на Сона и Дигоен, притоа поврзувајќи го Средоземното Море со Атлантскиот Океан. На исток департманот го зазема северниот дел на низината на Брес. На запад се наоѓа индустриското подрачје во Ле Крезо и Монсо ле Мин, некогаш познати по нивните рудници за јаглен и металургијата.
Поголеми населени места
уредиНајнаселена општина е Шалон на Сона; префектурата Макон е втора по големина. Во 2019 г. имало 5 општини со повеќе од 10.000 жители:[2]
| Општина | Население (2019) |
|---|---|
| Шалон на Сона | 45.056 |
| Макон | 33.908 |
| Ле Крезо | 21.269 |
| Монсо ле Мин | 17.678 |
| Отен | 12.987 |
Окрузи
уредиДепартманот се остои од пет окрузи:
Има 29 кантони и 565 општини.
Знаменитости
уреди- карпа Солитре — природна знаменитост
- опатија Клини
- христијанска екуменска заедница „Тезе“
- Паре ле Монјал
- Ла Клејет
- Домпјер лез Орм (Европска галерија на шумите и горите, арборетум „Пезанен“).
-
Статуа на Алфонс де Ламартин во Макон -
-
Опатијата Клини -
-
-
Езерото кај „Пезанен“ -
Замокот Ла Клејет
_032.JPG)
Поврзано
уредиНаводи
уреди- ↑ „Répertoire national des élus: les conseillers départementaux“. data.gouv.fr, Plateforme ouverte des données publiques françaises (француски). 4 мај 2022.
- ↑ 2,0 2,1 Populations légales 2019: 71 Saône-et-Loire, INSEE
Надворешни врски
уреди| „Сона и Лоара“ на Ризницата ? |
- Портал на департманскиот совет на Сона и Лоара (француски)
- Мрежно место на префектурата (француски)
- Сона и Лоара на Curlie (англиски)