Сливенски манастир

манастир кај Сливени, Костурско

Сливенски манастир „Св. Никола“ (грчки: Μονή Αγίου Νικολάου Σλίβενης или Κορομηλιάς) — манастир кај селото Сливени, Костурско, Егејска Македонија.[1] Влегува во состав на Костурската епархија на Цариградската патријаршија.[1] Изворно ѝ припаѓал на Охридската архиепископија.

Сливенски манастир
Свети Никола
Αγίου Νικολάου Σλίβενης
Манстирската црква
Карта
40°32′32.46″N 21°11′17.06″E / 40.5423500° СГШ; 21.1880722° ИГД / 40.5423500; 21.1880722
МестоСливени, Костурско
ЗемјаЕгејска Македонија, Грција
ВероисповедЦариградска патријаршија
Архитектура
Завршена1716
Управа
Архијерејско намесништвоЧетирочко
ЕпархијаКостурска

Манастирот е сместен северно од Сливени, на левиот брег на Желевска Река, во западното подножје на планината Саракина

Основан е во 1716 г. од мoнахот Мелетиј како наследник на византискиот манастир „Св. Архангели“ кој се наоѓал на север, во клисурата на Сливени.[1]

Се смета дека за време на Охридската архиепископија во манастирот имало духовно училиште со интернат. Кон почетокот на 1870-тите костурскиот владика Никифор ги уништил сите словенски ракописи во манастирот.[2]

За време на Грчката вооружена пропаганда во Македонија (1904 - 1908) манастирот, под раководство на погрчениот игумен, станал прибежиште за грчките андарти што војувале со четите на МРО. Затоа, на 8 март 1905 г. е изгорен од македонски чети, а игуменот Антим и монахот Дамјан Х. Тоскос се погубени.[3][4] Од манастирот останал само еден сребрен кивор со мошти на Свети Никола и други светци, кој денес се чува во Чуриловскиот манастир.[5] За одмазда, во мај истата година грчките чети го нападнале соседното македонско село Жупаништа.[1][6]

Поврзано уреди

Литература уреди

  • Γ. Αλεξίου, Η ιερά μονή Αγίου Νικολάου (Σλίβενης) Κορομηλιάς, εκδ. Αλεξίου, Καστοριά, 2005

Наводи уреди

  1. 1,0 1,1 1,2 1,3 „Τα μοναστήρια της Καστοριάς (μέρος 2ο)“. Ιστορικά Καστοριάς. Занемарен непознатиот параметар |acess-date= (help)
  2. Македонски дневник (спомени на отец Търпо Поповски), Издателство Фама, София, 2006, с. 29.
  3. Силяновъ, Христо (1943). Освободителнитѣ борби на Македония (PDF). II. Следъ Илинденското възстание. София: Издание на Илинденската Организация. стр. 211.
  4. Каравангелис, Германос, „МАКЕДОНСКАТА БОРБА (СПОМЕНИ)“, приложение към „ВАСИЛ ЧЕКАЛАРОВ, ДНЕВНИК 1901-1903 г.“, Ива Бурилкова, Цочо Билярски, ИК „Синева“ София, 2001 г., стр. 359.
  5. „Ο εθνομάρτυρας Αρχιμανδρίτης Άνθιμος Γιοβανόπουλος († 1905)“. Φως της Καστοριάς. 25 ноември 2011. Посетено на 18 јули 2015.
  6. Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 177–178. ISBN 954-90993-1-8.