Андарти

Андартите (Αντάρτης) се припадници на грчка герилска паравоена формација. Имале различни цели во зависност од историските периоди во кој биле активни:

Андартскиот капетан од Лерин, фотографија на браќа Манаки. Снимено во Битола, 1908 година

Рушевини во селото Загоричани, после нападот на Андартите

Кон крајот на XIX и почетокот на XX век учествувале во Борбата за Македонија, со цел делови од Македонија и Тракија да бидат присоединети кон Грција .

Во Атина, бил формиран т.н. Македонски комитет, кој раководел со овие чети. Андартските чети не избирале средства за да ги принудат македонските и влашките села, кои ја напуштиле Цариградската патријаршија, да се вратат во нејзините редови и со тоа да го зголемат бројот на „Грците“ во Македонија. Водачи на андартските чети биле офицери на грчката армија, а речиси и целиот друг боречки состав главно бил регрутиран во Кралството Грција. Од почетокот на македонската борба до пролетта 1905, грчко-турската граница ја поминале околу 2800 андарти. Андартските чети често се судирале со четите на ВМРО, но најмногу ги напаѓале македонските села во кои вршеле жестока одмазда (Загоричани, Зеленич и др.) По Младотурската револуција во 1908, андартските чети биле распуштени. Но набрзо потоа ја обновиле својата дејност што траела сè до 1912 година.

Во текот на Втората светска војна се бореле против германската окупација над Грција .