Славица Урумова-Марковска
Славица Урумова-Марковска (Скопје, 1987) — македонска поетеса и книжевен историчар.[1]
| Славица Урумова-Марковска | ||
| Роден | Славица Урумова 1987 Скопје,  Македонија
| |
|---|---|---|
| Занимање | поетеса и книжевен историчар | |
Животопис
уредиУрумова-Марковска е родена во Скопје во 1987 година. Во родниот град завршува основно и средно образование, во 2010 година дипломирала македонска книжевност на Филолошкиот факултет „Блаже Конески“, а во 2017 година магистрирала на Институтот за национална историја каде е и докторанд на студиската програма Културна историја на Македонија. Работи како наставник по македонски јазик и книжевност.
Учествувала на повеќе поетски фестивали. Нејзини песни се застапени во зборници и избори во земјава и странство. Повеќето нејзини песни се објавени во литературните алманаси на ЛК Мугри, списанието Современост и Тренд (од Скопје), Авангард (Сомбор), Поета (Белград). Има учествувано на повеќе поетски манифестации:
- „Караманови средби“ – Радовиш;
- 2009, 2010 и 2011 година е учесник на „Струшките вечери на поезијата“ за млади поети – „Ноќи без интерпункција“ Струга,
- „Белa ноќ“ во Скопје,
- „Гарави сокак“ (2010) Инѓија,
- манифестацијата „Сто илјади поети за промена“ (2011, 2020) Струмица.
Нејзините песни се преведувани на турски, српски, албански, бугарски и англиски јазик.[1]
Творештво
уредиАвтор е на монографијата:
- Манастирите во скопската област како духовни и културни центри во средниот век (2019 год.) во издание на Восток.[1]
Поезија
уреди- Авторка е на повеќе книги поезија[1]:
- Кога љубовта цвета (2003),
- Лавиринт на љубовта (2004),
- Сложувалка (2005),
- Зад виножитото (2005) која е објавена со група автори;
- Искри на љубовта (2006),
- Пајтон на времето (2007),
- Потези (2020),
- Планета со две Сонца (2021) и
- Алфа и Омега (2021).
Трудови
уредиГи објавила или презентирала трудовите[1]:
- Urumova – Markovska, S. (2018). THE LINE BETWEEN THE LIFE AND DEATH IN THE MACEDONIAN TRADITION AND IN THE PROSE OF MITKO MADZHUNKOV.
- Урумова – Марковска, С. (2019). ЃАВОЛОТ И САМОВИЛИТЕ ВО МАКЕДОНСКИОТ ФОЛКЛОР И НИВНАТА ИМАГИНАРНА ПРЕОБРАЗБА ВО РАСКАЗИТЕ НА МИТКО МАЏУНКОВ. Филко, 3, Штип: 26-27 април 2018, 701
- Урумова-Марковска, С. (2019). ДОМОТ КАКО ТРАДИЦИЈА ВО РАСКАЗИТЕ НА МАЏУНКОВ. Палимпсест, Год. 4, Бр. 7 Штип, 203.
Награди
уреди- 2010, Прва награда „Магда Симин“ во категорија до 30 години, Нови Сад[1]
- 2020, Втора награда на седмото издание на Меѓународниот поетски фестивал „Литературни искри”, Гостивар, 2020[1]
- 2021, Награда „Бели мугри“ за стихозбирката „Алфа и Омега“[2]
Наводи
уреди- ↑ 1,0 1,1 1,2 1,3 1,4 1,5 1,6 „Славица Урумова-Марковска“. Инаку. 15 јануари 2021. Посетено на 3 јануари 2022.
- ↑ „Награда „Бели мугри" за Славица Урумова-Марковска“. Опсервер. 7.12.2021. Архивирано од изворникот на 2021-12-24. Посетено на 3 јануари 2022. Проверете ги датумските вредности во:
|date=(help)