Планинарски клуб „Јелак“
Планинарски клуб „Јелак“ ― планинарски клуб создаден во 1996 година во Тетово од искусни планинари и ентузијасти и од своето основање е член на Федерацијата на планинарски спортови на Македонија. Во текот на постоењето на клубот, членството се зголемува, а со тоа и организираните активности.
 Амблемот на Планинарски клуб „Јелак“ | |
| Кратенка | ПК Јелак |
|---|---|
| Основана | 1996 |
| Вид | Клуб |
| Цел | Планинарска организација |
| Место | Тетово, Македонија |
| Мреж. место | https://www.facebook.com/jelakpk/ |
Основната цел на клубот е промовирање на планинарството, организирање на планинарски акции, зголемување на безбедноста во планинарењето, образование на членството и работа со млади.
Историја
уредиНиз историјата, членови на клубот ги имаат искачено и најзначајните врвови на Балканот, како што се Митикас на Олимп, Мусала, Триглав, Вихрен, Хајла, Ахмица и други. За истакнување се и искачувањата на врвот Гросглокнер на Алпите и врвот Хасандаг во Турција.
Во 2018 година, по повод 1000 годишнината од постоењето на МПЦ, Планинарскиот клуб „Јелак“ ја поставил планинарската патека „Милениумска Патека“ во соработка со Комисија за односи со верски заедници и религиозни групи. Патеката почнува во Блаце, а завршува Волковија. Планинарската патека е на падините на Сува Гора и поминува покрај неколку цркви и археолошки наоѓалишта.
Во текот на 2022 година членовите на планинарскиот клуб „Јелак“, организирале 47 планинарски акции во Македонија и странство и учествувале на голем број гостувања од други клубови.
Активности
уредиДел од членовите на планинарскиот клуб се вклучени во работата на органите и телата на Федерацијата на планинарските спортови на Македонија.
Други планинарски акции кои се организираат секоја година се: „Ноќно искачување на Љуботен“, „летно искачување на Титов Врв по Вакуфска патека“ во со-организација со Планинарски клуб „Тетекс“, „Ѓенов Камен“ итн. Клубот секоја година организира акции и на други позначајни месности на Шар Планина, меѓу кои се истакнуваат месностите Лешница и Јелак, Кривошијските Кади, Кривошијскиот Водопад, Беловишкиот Водопад, врвовите Вртоп, Кобилица, Бориславец, Пирибег, потоа Караниколичкото Езеро, Боговинското Езеро, Црното Езеро итн.
Покрај планинарски акции, планинарскиот Клуб „Јелак“ организира и учествува во различни општествени активности, меѓу кои и крводарителски акции, еколошки активности, основна планинарска школа наменета за членовите и останатото население.