ОУ „Рајко Жинзифов“ - Драчево

За други значења на поимот, погл. ОУ „Рајко Жинзифов“.

Основно училиште „Рајко Жинзифов“ (официјално: Основно општинско училиште „Рајко Жинзифов“ - Драчево; скратено: ООУ „Рајко Жинзифов“) — централно основно училиште во скопската населба Драчево, Општина Кисела Вода.

Рајко Жинзифов
Место
Општина:	Општина Кисела Вода
Наречено по:	Рајко Жинзифов
Нас. место:	Драчево
Адреса:	ул. „Иван Хаџиниколов“, бр. 2
Местоположба
Основни информации
Основано:	1964 (1964)
Директор:	Елизабета Славковска
Број на ученици:	704 (2014/15)
Настава на:	македонски
Контактни информации
Мреж. место	sites.google.com/site/rajkozinzifov
Телефон	02/2791-025
Факс	02/2791-025

Училиштето е именувано по истакнатиот македонски преродбеник Рајко Жинзифов.

Историја

Училиштето е плод на хуманоста и солидарноста на народот и Владата на Обединетото Кралство, кое било изградено по разорниот земјотрес во 1963 година. Училиштето службено започнало со работа на 1 септември 1964 година. Во населбата Пинтија е сместено подрачно деветгодишно училиште.

Централното училиште постои веќе 50 години, а подрачното училиште како деветгодишно основно училиште работи веќе неколку години. Исто така училишната библиотека работи уште од самите почетоци на училиштето и во својот фонд на книги брои над 1000 изданија.

Изградба нов објект

Во ноември 2012 година, биле поставени темелите на новата училишна зграда на училиштето како донација од Владата на Народна Република Кина. Изградбата на новото училиште завршила во септември 2014 година, а проценета е на 3,9 милиони евра. Покрај објектот, сиот инвентар, исто така, е донација од НР Кина.

На 1 септември 2014 година изградена и пуштена е новата зграда со 4.500 квадратни метри во кои се сместени 35 училници, 5 ново опремени кабинети и библиотека. Во дворот кој се протега на 16.000 квадрати има фудбалско игралиште, кошаркарско игралиште, атлетска патека, простор за слободни активности на отворено. Во учебната 2014/15 училиштето имало 704 ученици, од кои 82 биле првачиња.