Музеј на дејците на ВМРО од Штип и Штипско

Андонова Куќа
Андонова Куќа
	Куќата во 2010 година
Општи податоци
Стил	Староградска архитектура
Сопственик	Семејство Андонови (порано); Завод и музеј - Штип

Музеј на дејците на ВМРО од Штип и Штипско
	Музејот во 2018 година
Основан	20 декември 2014
Место	ул. „Крсте Мисирков“ бр. 34; Ново Село, Штип, Македонија
Тип	Историски музеј

Музејот на дејците на ВМРО од Штип и Штипско, познато и како Андонова куќа, — историски музеј во Ново Село, Штип. Градбата, која е дел од староградската архитектура, е заведена како Културно наследство на Македонија под називот Куќа на ул. „Крсте Мисирков“ бр. 34.^[1] Музејот е посветен на дејци на ВМРО и нејзината револуционерна дејност во и околу реонот на градот Штип.

Историја

Како куќа

Преродбенската куќа била во сопственост на семејството Андонови.

Како музеј

Градбата била реставрирана и откупена од Министерството за култура. Музејот службено бил отворен од тогашниот премиерот Никола Груевски, министерката за култура Елизабета Канческа Милевска и градоначалникот на Општина Штип, Илчо Захариев во 2014 година.^[2]

Во музејот се изложени документи, оружје и предмети, како и 11 восочни фигури на учителите во Штип и водачи на македонската револуционерната организација, Гоце Делчев, Даме Груев и Ѓорче Петров како и на многу штипски дејци меѓу кои Мише Развигоров, Тодор Александров и Ванчо Михајлов.

Во музејот е опфатен периодот од основањето на ВМРО во 1893 година до ликвидирањето на ВМРО во 1934 година и е под јурисдикција на Заводот и музеј - Штип.^[3]