Музлагица (Селокуќи)

Музлагица — археолошко наоѓалиште во дебарското село Селокуќи. Претставува неолитска населба. Се наоѓа на северната периферија на селото, во маалото Таранеш, каде на десниот брег на Поповска Река, по површината на приватни ниви се среќаваат фрагменти од керамички садови, куќен лепеж, камени секири и кремени ножеви. Керамиката, врз основа на фактурата и орнаментите, покажува тесна врска со керамиката од неолитските населби во соседна Албанија и преку неа, особено импресо-орнаментите, со населбите од западната јадранска зона.

Поврзано

• Мерсуид — средновековна некропола;
• Мојсиева Црква — средновековна црква и некропола;
• Стара Црква — доцноантичка некропола;
• Шулон — средновековна некропола;
• Таранеш — населба и некропола од римско и доцноантичко време;
• Селокуќи;
• Список на археолошки наоѓалишта во Дебарско;