Момина Клисура (Места)
Момина Клисура (бугарски: Момина клисура) — клисура на реката Места во Пиринска Македонија. Се протега низ општините Банско и Неврокоп (Гоце Делчев).
| Момина Клисура | |
|---|---|
| Момина клисура | |
 Реката Места низ Момината Клисура, гледана од Момината кула | |
| Надм. висина | 642 м |
| Должина | 27 км |
| Географија | |
| Местоположба | меѓу Северен Пирин и Доспат (Западни Родопи), Пиринска Македонија |
| Координати | 41°43′26″N 23°41′28″E / 41.724° СГШ; 23.691° ИГД |
| Река | Места |
Се наоѓа меѓу Северен Пирин на запад и Доспат Планина (или Дабраш; наjзападниот дел на Западните Родопи) на исток. Го поврзува најјугоисточниот дел на Разлошката Котлина на север со најсеверниот дел на Неврокопската Котлина на југ.
Клисурата е долга околу 27 км, со средна надморска височина од 642 м. Има тесен облик со стрмни страни, всечени во карпест праг од метаморфни карпи, ранотерциерни седименти и вулканит. Минувајќи низ неа, Места ја прима десната притока Ретиже.[1]
Започнува источно од гратчето Добриништа (Добриниште), кај устието на Безбошка Река, на 693 м.н.в. и се насочува кон југ-југоисток. Во подрачјето на селото Места е средината на клисурата, каде надморската височина е околу 642 м. Завршува југоисточно од селото Цирополе (Господинци) во Неврокопската Котлина на 544 м.н.в.
По должината на Момината Клисура се среќаваат селата Филипово, Места и Цирополе, како и остатоците од доцноантичката и средновековна тврдина Момина кула кај с. Кремен и на друга тврдина кај с. Цирополе.[2]
Низ клисурата минува делница (27,4 км) од второкласниот републички пат II-19: Симитли – Банско – Неврокоп – ГП „Либјахово - Везме“ („Илинден - Ексохи“, од 51. до 78,4. км) кон Драмско, Егејска Македонија.
Слики
уреди-
Остатоци од Момина кула -
Источната ѕидина
