Мирослав Лајчак

Мирослав Лајчак (словачки: Miroslav Lajčák; (Попрад, 20 март 1963) – словачки политичар и дипломат.

Мирослав Лајчак
Miroslav Lajčák
Miroslav Lajcak 2014 (11981540724).jpg
Претседател на Генералното собрание на Обединетите нации
На должноста
12 септември 2017 – 19 септември 2018
Претходник Питер Томсон
Наследник Марија Фернанда Еспиноса
9-ти и 11-ти Министер за надворешни работи
На должноста
4 април 2012 – 20 март 2020
Премиер Роберт Фицо
Петер Пелегрини
Претходник Микулаш Ѕуринда
Наследник Иван Корчок
На должноста
26 јануари 2009 – 8 јули 2010
Премиер Роберт Фицо
Претходник Јан Кубиш
Наследник Микулаш Ѕуринда
Претседател на Организацијата за безбедност и соработка во Европа
На должноста
1 јануари 2019 – 1 јануари 2020
Претходник Енцо Моаверо Миланези
Наследник Еди Рама
6-ти Висок претставник за Босна и Херцеговина
На должноста
1 јули 2007 – 28 февруари 2009
Претходник Кристијан Шварц-Шилинг
Наследник Валентин Инцко
3. Специјален претставник на Европската Унија за Босна и Херцеговина
На должноста
1 јули 2007 – 28 февруари 2009
Претходник Кристијан Шварц-Шилинг
Наследник Валентин Инцко
Лични податоци
Роден(а) 20 март 1963 (1963-03-20) (58 г.)
Попрад, Чехословачка
(денес Словачка)
Партија Комунистичка партија (1983-1990)
Насока – Социјалдемократија (без членство)
Сопружник Јармила Харгашова
Деца 2
Установа Универзитет Коменски
Московски државен институт за меѓународни односи

ЖивотописУреди

Дипломирал право на универзитетот Коменски во Братислава. Студирал меѓународни односи на Државниот институт за меѓународно право во Москва. Студирал и на Европскиот центар „Џорџ Маршал“ за студии за безбедност во Гармиш-Партенкирхен во Германија.[1]

Лајчак течно зборува англиски, германски, руски, бугарски, како и српски / хрватски / босански јазик.[2]

Политичка кариераУреди

Бил соработник на чехословачкото Министерство за надворешни работи од 1988 година. Помеѓу 1991 и 1993 година, Лајчак бил амбасадор на Чехословачка и Словачка. Бил словачки амбасадор во Јапонија меѓу 1994 и 1998 година.[2] Помеѓу 1993 и 1994 година, бил шеф на кабинетот на министерот за надворешни работи Јозеф Моравчик. Бил негов шеф на кабинетот и кога Моравчик станал премиер на Словачка.

Од 1999 до 2001 година, бил асистент на Едуарад Кукан, специјален пратеник на генералниот секретар на Обединетите нации за Балканскиот Полуостров. Помеѓу 2001 и 2005 година, Лајчак бил амбасадор во СР Југославија, Албанија и Република Македонија.[2] Во 2006 година бил назначен за пратеник на Европската Унија за спроведување на Референдумот за независност Црна Гора.

Од 30 јуни 2007 бил на функцијата висок претставник за Босна и Херцеговина, каде го заменил Кристијан Шварц-Шилинг. На 16 декември 2007 година бил избран за „Личност на годината“ при изборот на дневниот весник „Независне новине“, а две недели подоцна, на 28 декември, ја добил истата титула во изборот на „Дневни аваз“.[2]

На 26 јануари 2009 година, Лајчак станал министер за надворешни работи на Словачка. На таа позиција останал сè до 9 јули 2010 година. Во декември истата година, европската служба за надворешни работи го назначила за директор за Русија, Истокот и Западен Балкан.

Од 4 април 2012 година во владата на Роберт Фицо ги извршувал функциите заменик премиер и министер за надворешни работи на Република Словачка.

Од 12.09.2017 до 19.09.2018 година, Мирослав Лајчак бил претседател на Генералното собрание на Обединетите нации.

ПоврзаноУреди

НаводиУреди

  1. „Мирослав Лајчак“ (ск). Официјално мрежно место на владата на Република Словачка. Посетено на 5. 9. 2013. Проверете ги датумските вредности во: |accessdate= (help)CS1-одржување: непрепознаен јазик (link)
  2. 2,0 2,1 2,2 2,3 „Министер за надворешни работи-наш Русин“ (PDF). Русин Инфо. Посетено на 5. 9. 2013. Проверете ги датумските вредности во: |accessdate= (help)

Надворешни врскиУреди