Лоши Деца
Лоши Деца — македонска панк рок, ои и стрит панк музичка група од Скопје. Првите почетоци на групата датираат кон крајот на деведесеттите години на XX век, со првиот настап во 1998/97 година. На почетокот настапувале под името Солунски атентатори, а официјално под името „Лоши деца“ настапуваат од 2001 година. Го негуваат брзиот панк рок, ои и стрит панк звук со изразити гитарски солажи, бас-линии и тапани, а текстовите на песните се во духот на животот на улицата, Oi! и скинхед движењето, другарувањето со пиво, борбата на работничката класа и Македонија. Музичко влијание црпат од англиските ои панк групи, како: како Cock Sparrer, Cockney Rejects, Infa Riot, The Business, The Addicts, Blitz и др. Во 2003 оствариле победа на Лузер Фест по што настапувале како прва група на фестивалот „Таксират“, на кој повторно настапиле и во 2013 година, како прва предгрупа на култната британска панк група The Exploited. Групата има настапувано на самостојни концерти ширум Македонија, и тоа: во МКЦ, на Школка во парк, во скопските клубови „Вулкан“, „Кастро“, „Хавана“, на фестивалите „Рок фест“, „Пиволенд“ и „Велесфест“. Исто така, „Лоши деца“ настапиле и на фестивалот Exit во Нови Сад.[1]
| Лоши Деца | |
|---|---|
 | |
| Животописни податоци | |
| Потекло | Скопје, Македонија |
| Жанрови | панк рок, ои панк, стрит панк |
| Период на активност | (1997/98 прв настап) 2001–денес |
| Членови | |
| Ивица Маневски - Жица (вокал/тапани) Марјан Јанковски - Мане (гитара) Златко Лазаров - Кикир (бас-гитара) | |
| Поранешни членови | |
| Гоце Зозински (тапани) Емил Тодоров (гитара) Саво Потевски (бас-гитара) Дејан Јовановиќ - Зеко (гитара) Горан Михајловски - Петел (тапани) Александар Пешевски (гитара) | |
ДискографијаУреди
Групата има објавено два студиски албума:[1]
- „Начин на живот“, 2003
- „Борбата продолжува“, 2012
Надворешни врскиУреди
- Албум:„Начин на живот“ - албумот „Начин на живот“ на мрежното место Bandcamp (за слушање и симнување)
- Албум:„Борбата продолжува“ - албумот „Борбата продолжува“ на мрежното место Bandcamp (за слушање и симнување)
- Лоши Деца во „Досие Гаражи“ - учество во емисијата „Досие Гаражи“ на Бла Бла ТВ
НаводиУреди
- ↑ 1,0 1,1 „БОРБАТА ПРОДОЛЖУВА – ЛОШИ ДЕЦА ГО ОТВАРААТ ТАКСИРАТ 15“. Никулец. 22 декември 2013. Посетено на 7 октомври 2016.