Лапонија (Финска)

Лапонија
Лапонија; Lapin maakunta; Lapplands landskap
	Регион
	Грб
	Грб
	Координати: 67°N 026°E / 67° СГШ; 26° ИГД
Земја	Финска
Админ. центар	Рованиеми
Површина
• Вкупна	98.984 км2 (38,218 ми2)
Население (2009)
• Вкупно	184.000
• Густина	1,9/км2 (4,8/ми2)
Час. појас	EET (UTC+2)
• Лето (ЛСВ)	EEST (UTC+3)
ISO 3166	LL
Мреж. место	lapinliitto.fi

За покраината во Шведска, видете Лапонија (Шведска).

Лапонија или Лаппанд (фински и севернолапонски: Lappi, шведски Lappland) е најголемиот и најсеверниот регион во Финска. Општините во него се здружени во регионален совет. Се граничи со Северна Остроботнија на југ, Ботнискиот Залив, окрузите Норботен (Шведска), Финмарк и Тромс (Норвешка) како и со Мурманската област во Русија.

Историски покраини

Лапонија е одделена од Оулу во 1936. По Втората светска војна, областите Пецамо (Печеншки реон) и Сала му припаднале на Советскиот Сојуз. Според монархистичкиот устав во првата половина на 1918 г, Лапонија требала да стане големо кнежевство, како дел од наследството на предложениот крал на Финска, но ова не се остварило.

Лапонија била една од покраините во Финска, сè до нивното распуштање на 1 јануари 2010.^[1]

Население

Во Лапонија живее околу 3,6% од населението на Финска. Регионот е во голема мера најретко населено подрачје во земјата. Најголеми градови се Рованиеми (админ. центар), Кеми и Торнио. Во 2009 населението броело 183.748 жители, од кои 179.070 како мајчин го говореле фински, 1.473 лапонски, 338 шведски и 2.867 говореле друг јазик.^[2] Од лапонските јазици, во регионот се застапени севернолапонскиот, инарсколапонскиот и сколтскиот лапонски јазик.

Управа

Покраинската служба е овластена од неколку државни министерства. Има за цел да ги застапува државните и регионални цели и замисли на централната администрација.

Регионален совет

Општините во Лапонија се организирани во еден регион, каде раководството се одвива во заеднички регионален совет наречен Лаплански регионален совет (Lapin liitto или Lapplands förbund).

Лапонска роднокрајна област

Лапонците (Сами) се најбројни во најсеверните општини во Лапонија, па затоа тие општини ја образуваат Лапонската роднокрајна област (севлап. Sámiid ruovttuguovllu). Овој начин на организација на Лапонците е напореден на регионалното устројство на земјата.

Општини

Карта на општините во Лапонија

Белешки

↑ „Со новиот регионален управен модел во [[2010]] се укинуваат покраините“. Helsingin Sanomat International Edition. Sanoma. 31 декември 2009. Посетено на 1 јануари 2010. URL–wikilink conflict (help) (англиски)
↑ Статистички бази Архивирано на 10 јануари 2021 г. - Статистички центар на Финска (фински)

Поврзано

Надворешни врски

Регионален совет на Лапланд
Лапонија - Финска Архивирано на 18 септември 2009 г. – официјален туристички портал

[1] „Со новиот регионален управен модел во [[2010]] се укинуваат покраините“. Helsingin Sanomat International Edition. Sanoma. 31 декември 2009. Посетено на 1 јануари 2010. URL–wikilink conflict (help) (англиски)

[2] Статистички бази Архивирано на 10 јануари 2021 г. - Статистички центар на Финска (фински)

[1]

[2]