Кралство Нов Зеланд

	Нов Зеланд
	; Оваа статија е дел од темата:; Политика на Нов Зеланд
	Устав;
	Извршна власт Монарх Кралица Елизабета II; ; Генерелен гувернер Петси Реди; ; Извршен совет Кабинет Премиер Бил Инглиш; ; ; ;
	Законодавство Парламент Претставнички дом Претседател; Официјална опозиција Водач на опозицијата (Ендру Литл); ; ; Избори Изборен систем; Изборни тела; ; ; Референдуми;
	Правосудство Врховен суд Врховен судија; ; Апелационен суд; Висок суд;
	Регионални власти Територијална поделба; Унитарна власт;
	Други; Политичари; ; Политички партии; ; Политички теми; ; Маорска политика; ; Надворешни односи; ;
	други земји; Портал „Политика“; преглед; разговор; уреди;

Кралството Нов Зеланд (англ. Realm of New Zealand) е територијата врз која кралицата на Нов Зеланд е шеф на држава. Кралството се состои од Куковите Острови, Нов Зеланд, Ниуе, Токелау и новозеладската Росова Зависност на Антарктикот. Поимот „Кралство Нов Зеланд“ е опишан во Кралските отворени писма од 1983 за функцијата ан генералниот гувернер на Нов Зеланд, во Член I.

Генерален гувернер

Бидејќи кралицата Елизабета II живее во Обединетото Кралство, неа ја претставува Генерален гувернер. Генералниот гувернер ги презема сите дигнитети и дискрециони права на Кралицата. Моменталниот генерален гувернер на Нов Зеланд е Ананд Сатјананд.

Суверенитет во рамките на Кралството

Самото Кралство е збир од поранешни британски колонии и протекторати. Нов Зеланд станал британска колонија во 1840, станал доминион во 1907, а се стекнал со правна независност со Актот за усвојување на Вестминстерскиот статут од 1947. Куковите Острови и Ниуе биле британски протекторати, а во раниот XX век власта му припаднала на Нов Зеланд. Росовата Зависност потпаднала под новозеландска власт во 1923, додека во 1925 Токелау се одвоил од колонијата Гилбертови и Елисови Острови и му припаднал на Нов Зеланд.

Кукови Острови и Ниуе

Куковите Острови и Ниуе во принцип уживаат самоуправа во слободно здружение со Нов Зеланд. Парламентот на Нов Зеланд не е овластен еднострано да доненосува закони за овие земји. Во сферите на надворешните односи и одбраната, Нов Зеланд ги врши функциите во име на овие земји, но само со нивен совет и одобрување.

Бидејќи генералниот гувернер живее во Нов Зеланд, Уставот на Куковите Острови одредува посебна функција наречена „Претставник на Кралицата“. Ова лице не е подредено на генералниот гувернер и ја има функцијата на локален претставник на Кралицата како владетел на Нов Зеланд. Оваа функција моментално ја извршува Сер Фредерик Гудвин.

Според Уставот на Ниуе од 1974, генералниот гувернер на Нов Зеланд служи како претставник на Кралицата.

Дипломатскиот претставник на Нов Зеланд на Куковите Острови и Ниуе е новозеландски Висок комесар. Моменталниот новозеландски висок комесар на Куковите Острови е Џон Брајан, додека високиот комесар во Ниуе е Антон Оџала.

И покрај нивните блиски односи со Нов Зеланд, Куковите Острови и Ниуе одржуваат извесни диспломатски односи сами за себе. Обете земји имаат високи комесаријати во Нов Зеланд и имаат новозеландски високи комесари во нивинте престолнини. Според практиките во Комонвелтот, високите комесари ја претставуваат својата држава, а не шефот на државата.

Нов Зеланд

Самиот Нов Зеланд се состои од следните островски групи:

Северен Остров, Јужен Остров и соседните крајбрежни острови, сите сместени во рамките на 16-те региони на Нов Зеланд;
Четемските Острови на исток, во рамките на Територијата на Четемските Острови;
Островите Кермадек на север и подантарктичките острови на југ, сите вон границите на локалните власти и населени само од мал број на научен и конзервационен персонал.

Токелау

Токелау има де јуре независност во помала мера отколку Куковите Острови или Ниуе, и се стреми кон статус на слободно здружение. Новозеландскиот претставник во Токелау е Администраторот на Токелау кој има право да отфрла правила и прописи донесени од Генералното собрание (наречено „фоно“).

Росова Зависност

Правото на Нов Зеланд врз Росовата Зависност е во мирување по Антакртичкиот договор. Меѓутоа генералниот гувернер на Нов Зеланд е исто така и Гувернер на Росовата Зависност. MFAT Архивирано на 30 септември 2006 г. Speech of 23-Apr-02, Antarctic Conference Архивирано на 30 септември 2006 г. Росовата Зависност има права и врз станицата Мекмердо, управувана од САД.

Преглед

Територија	Претставник на Кралицата	Шеф на владата	Законодавен орган	Главен град	Население	Земјишна површина
Нов Зеланд	Генерален гувернер	Премиер	Претставнички дом	Велингтон	4.107.883	268,680 км²
Кукови Острови	Претставник на Кралицата	Премиер	Парламент на Куковите Острови	Аваруа	21.388	236 км²
Ниуе	Претставник на Кралицата (Генералниот гувенер на Нов Зеланд)	Премиер	Ниуеанско собрание	Алофи	2.145	260 км²
Токелау	Администратор	Улу-о-Токелау (Претседател на советот на тековната влада)	Генерално фоно	Нема	1.405	10 км²
Росова Зависност	Гувернер	Главен извршеб функционер	—	Скотова база	Скотова база: 10–80; Мекмердо: 200–1000 (сезонски)	450.000 км²

Поврзано

Надворешни врски

Кралски отворени писма во кои се состои функцијата на Генералниот гувернер на Нов Зеланд Архивирано на 3 октомври 2003 г. — објаснет поимот „Кралство Нов Зеланд“ (англиски)
„Кукови Острови“ Архивирано на 3 ноември 2012 г. (Министерство за надворешни работи на Нов Зеланд) (англиски)
„Ниуе“Архивирано на 21 јули 2011 г. (Министерство за надворешни работи на Нов Зеланд) (англиски)
„Нов Зеланд и Токелауанските Острови“ Архивирано на 5 јуни 2010 г. (Министерство за надворешни работи на Нов Зеланд) (англиски)
„Росова Зависност“ Архивирано на 14 јули 2007 г. (Министерство за надворешни работи на Нов Зеланд) (англиски)