Киркасии
Киркасии (грчки: Αγία Τριάδα, Агија Тријада; книжевно: Αγία Τριάς, Агија Тријас, до 1953 година: Κιρκάσιοι, Киркасии[2]) — новосоздадено село во Солунско, Егејска Македонија, дел од денешната Општина Гида, во Централна Македонија, Грција.
| Киркасии Αγία Τριάδα | |
|---|---|
  Киркасии | |
|
Местоположба во областа   Киркасии | |
| Координати: 40°33′N 22°26′E / 40.550° СГШ; 22.433° ИГД | |
| Земја | Грција |
| Област | Централна Македонија |
| Округ | Иматија |
| Општина | Гида |
| Општ. единица | Мелик |
| Надм. вис. | 15 м |
| Население (2011)[1] | |
| • Вкупно | 279 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото се наоѓа на дваесетина километри источно од градот Бер, меѓу селата Продром и Трихлево, на надморска височина од 15 метри.[3]
Сместено е во областа Урумлак, на три километри источно од реката Бистрица.
Историја
уредиКиркасии претставува нова бегалска населба, која била создадена во атарот на селото Продром по 1923 година.[3]
По завршувањето на Втората светска војна и Граѓанската војна во Грција, во 1953 година, името на селото било преименувано во Агија Тријада (Αγία Τριάδα).
Потекло и значење на името
уредиБидејќи бегалското население во селото кое и ја создало населбата му припаѓало на племето Киргизи, веројатно е дека селото го добило името од овој етноним.
Стопанство
уредиЗемјата е многу плодна и се наводнува. Населението се занимава со земјоделство, произведува многу памук, шеќерна репка, пченица и други земјоделски производи. Дел од населението се занимава и со краварство.[3]
Население
уредиНаселбата првпат е спомената во пописот од 1928 година, кога биле попишани 165 жители, а во 1940 година поради добрите услови (плодната земја) се зголемило на 322 жители. Во 1951 година имало 392, во 1961 година 465, во 1971 година 447, во 1981 година 436, во 1991 година 387 жители.[3]
Во пописот спроведен во 2001 година, селото било попишано со 332 жители. Во најновиот спроведен попис од 2011 година во Грција, селото било забележано со 279 жители.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 322 | 392 | 465 | 447 | 436 | 387 | 332 | 279 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
уредиСелото припаѓа на општинската единица Мелик со седиште во истоименото село, која припаѓа на поголемата општина Гида, во округот Иматија. Воедно, селото е дел од општинскиот оддел Продром, во кој покрај Киркасии влегуваат и селата Продром и Ново Продром.
Културни и природни знаменитости
уредиНаводи
уреди- ↑ „Попис на населението од 2011 г. Трајно население“. Државен завод за статистика на Грција.
- ↑ Μετονομασίες των Οικισμών της Ελλάδας. Κιρκάσιοι -- Αγία Τριάς
- ↑ 3,0 3,1 3,2 3,3 Симовски, Тодор (1998). „Берски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 13–14.