Карачали (Берско)
Карачали или Кара Чали (грчки: Μαυροδένδρι, Мавродендри; книжевно: Μαυροδένδριον, Мавродендрион, до 1926 година: Καρά Τσαλή, Карачали[1]) — поранешно село во Берско, Егејска Македонија, дел од денешната Општина Бер, во Централна Македонија, Грција.
| Карачали Μαυροδένδρι | |
|---|---|
  Карачали | |
|
Местоположба во областа   Карачали | |
| Координати: 40°32′N 22°14′E / 40.533° СГШ; 22.233° ИГД | |
| Земја | Грција |
| Област | Централна Македонија |
| Округ | Иматија |
| Општина | Бер |
| Општ. единица | Бер |
| Надм. вис. | 55 м |
| Час. појас | EET (UTC+2) |
| • Лето (ЛСВ) | EEST (UTC+3) |
Денес, ова поранешнот село претставува дел од градот Бер.
Географија и местоположба
уредиСелото е оддалечено околу 4 километри североисточно од градот Бер, во самото Берско Поле, на надморска височина од 55 метри.[2]
Селото е сместено во областа Урумлак.
Историја
уредиСелото било преименувано во текот на 1926 година кога му било доделено името Мавродендри (Μαυροδένδρι).
Население
уредиВо 1900 година според Васил К’нчов („Македонија. Етнографија и статистика“) во Карачали живееле 30 Грци христијани.[3] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Карачали (Kara Tchali) имало 25 Грци.[4]
Во 1910 година во Карачали (Καρά Τσαλί) имало 28 жители.[5]
Во пописот од 1913 година селото не било воопшто спомнато, најверојатно бидејќи малата чифлигарска населба била целосно уништена во Балканските војни, додека во пописот од 1920 година била спомената со 67, во 1928 година со 34 (од нив 13 бегалци), во 1940 година со 30, а во 1951 година само со 17 жители. Во подоцнежните пописи, селото повеќе не се споменува како посебна населба поради малобројноста на неговото население, а бројот на жителите е пресметан во составот на жителите на градот Бер.[2]
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 30 | 17 | — | — | — | — | — | — |
- Извор за 1940-1991 г.: Т. Симовски, Населените места во Егејска Македонија
Самоуправа и политика
уредиСелото претставува дел од градот Бер и се смета како негова четврт.
Наводи
уреди- ↑ Μετονομασίες των Οικισμών της Ελλάδας. Καρά Τσαλή -- Μαυροδένδρι
- ↑ 2,0 2,1 Симовски, Тодор (1998). „Берски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 13.
- ↑ К’нчов, Васил. Македонија. Етнографија и статистика, Софија, 1900, стр. 144.
- ↑ Brancoff, D.M. La Macédoine et sa Population Chrétienne, Paris, 1905, pp. 222-223.
- ↑ Αθανάσιος Χαλκιόπουλος, Εθνολογική στατιστική των βιλαετίων Θεσσαλονίκης και Μοναστηρίου, Αθήναι 1910. Цитирано по: Δημήτρης Λιθοξόου. Πληθυσμός και οικισμοί της περιοχής Βέροιας, 1886 - 1927