Ивана Туфегџиќ
Ивана Туфегџиќ (11 февруари 1993, Скопје) — македонски политичар и независен пратеник во деветтиот состав на Собранието на Република Македонија. Средно училиште завршила во гимназијата „Орце Николов“ – Скопје, а дипломирала политички науки на универзитетот „Св. Кирил и Методиј“.[1] На парламентарните избори во 2016 Туфегџиќ станала пратеник како кандидат на СДСМ во првата изборна единица, каде партијата освоила 10 пратенички мандати.[2]
| Ивана Туфегџиќ | |
|---|---|
| |
| Пратеник во македонското Собрание | |
| На должноста 30 декември 2016 – во служба | |
| Лични податоци | |
| Роден(а) | 11 февруари 1993 Скопје, Македонија |
| Националност | Македонка |
| Установа | Правен факултет „Јустинијан I“ |
| Занимање | политиколог |
Туфегџиќ претходно била еден од претставниците на Студентскиот пленум во преговорите со министерството за образование за изготвување нов закон за високо образование, како и дел од протестите против законот за воведување државен испит на факултетите.[3] Како граѓански активист учествувала во низата протести на „Шарената револуција“ против одлуката на претседателот Ѓорге Иванов за помилување на 56 лица опфатени во истрагите на Специјалното јавно обвинителство.[4]
Наводи
уреди- ↑ „Биографија на Ивана Туфегџиќ“. Собрание на Република Македонија. Посетено на 2017-02-10.
- ↑ „ДИК ги објави резултатите од предвремените парламентарни избори“. Вест. 2016-12-13. Архивирано од изворникот на 2017-01-29. Посетено на 2017-02-10.
- ↑ „Аргументите на студентите ја победија Владата“. Дојче Веле. 2015-02-15. Посетено на 2017-02-10.
- ↑ „Шарената револуција ја одбележа годината“. Телма. 2016-12-31. Посетено на 2017-02-10.