Едвард Блит
Едвард Блит (англ. Edward Blyth; 23 декември 1810 во Лондон — 27 декември 1873) бил англиски зоолог и фармацевт. Познат е и како основач на индиската зоологија.
Блит е роден на 23 декември 1810 во Лондон. Во 1841 година отпатувал за Индија каде станал куратор на музејот Royal Asiatic Society of Bengal (Кралско азиско здружение на Бенгал). Започнал со осовременување на музејските каталози и во 1849 го објавил каталогот на птици Catalogue of the Birds of the Asiatic Society. Самиот тој не можел да ги спроведе теренските истражувања, но опишал многу видови на птици, чии примероци тој ги добивал од Алан Октавијан Хјум, Семјуел Тикел, Роберт Свајно и други научници. До 1862 година тој продолжил со кураторството, сè додека болеста не го натерала да се врати во Англија. Во 1881 година било објавено неговото дело The Natural History of the Cranes.
Тој ги опишал следните видови на птици:
За природната селекција
уредиЕдвард Блит напишал три статии за варијацијата, зборувајќи за ефектите на вештачката селекција и опишувајќи го процесот во природата (подоцна наречен природна селекција) како возобновување на организмите во дивината до нивниот архетип (наместо создавање на нови видови). Но, тој никогаш не го користел поимот „природна селекција“[1]. Овие статии биле објавени во Magazine of Natural History меѓу 1835 и 1837[2][3].
Во февруари 1855, Чарлс Дарвин, барајќи информации за варијациите кај домашните животни од различни земји, му пишал на Блит и тие соработувале по ова прашање. Блит бил меѓу првите кои го признале значењето на волесовата статија On the Law which has regulated the introduction of Species и му го воочил на Дарвин во писмо напишано во Калкута на 8 декември 1855.
Дарвин имал високо мислење за Едвард Блит: во првото поглавје од „За потеклото на видовите“ напишал: „Г-динот Блит, чие мислење, од неговото големо и разновидно знаење, би требало да го ценам повеќе од речиси било кој ...“[4].
Наводи
уреди- ↑ Dobzhansky, Theodosius 1959. Blyth, Darwin, and natural selection. The American Naturalist 93(870):204-206.
- ↑ Blyth, E., The Magazine of Natural History Volumes 8, 9 and 10, 1835–1837.
- ↑ An attempt to classify the "varieties" of animals, with observations on the marked seasonal and other changes which naturally take place in various British species, and which do not constitute varieties[мртва врска]" by Edward Blyth 1835. Magazine of Natural History Volume 8 pages 40-53.
- ↑ Дарвин, Ч. „За потеклото на видовите“, I издание, 1859 стр. 18
Надворешни врски
уреди- Архиви за Чарлс Дарвин и неговата соработка со Блит Архивирано на 25 октомври 2007 г. (англиски)