Диего Гомес Амариља

Диего Гомес
Лични податоци
Полно име	Диего Александар Гомес Амариља
Роден на	27 март 2003 (21 г.)
Роден во	Сан Хуан Баутиста, Парагвај
Држава	Парагвај
Висина	1,83 м
Позиција	среден ред
Клупски податоци
Сегашен клуб	Интер Мајами
Број	20
Младинска кариера
	Либертад
Кариера*
Репрезентација ‡
	* Ажурирано на: 22 април 2017; ** Ажурирано на: 12 ноември 2016

Диего Александар Гомес Амариља (роден на 27 март 2003, во Сан Хуан Баутиста) — парагвајски фудбалер, играч од средниот ред на Интер Мајами и на парагвајската репрезентација.^[1]

Клупска кариера

Својата кариера ја започнал во екипата на Либертад во татковината, за која дебитирал на 4 мај 2022, во натпревар од Копа Либертадорес против венецуелскиот претставник ФК Каракас. Набргу потоа, тој дебитирал и во парагвајското првенство, во дербито против Клуб Олимпија, кое сепак не го доиграл до крај затоа што добил црвен картон. И покрај тоа, тој брзо успеал да се наметне во тимот и да стане стартер во средниот ред на Либертад.^[2] Во август 2022, тој ги постигнал своите први голови во сениорската лига, постигнувајќи два во победата со 3-1 над 12 де Октубре.^[3]

На 20 јули 2023 година, Гомес потпишал за клубот од МЛС лигата, Интер Мајами.^[4] Дебитирал за новиот клуб на 3 август 2023, во победата со 3-1 над Орландо Сити во Купот на лигите. Во истото натпреварување забележал пет настапи, придонесувајќи за освојувањето на титулата со победата над Нешвил во финалето по изведување на пенали, при што и тој бил еден од прецизните изведувачи за својата екипа. Своето деби во МЛС го направил на 27 август, во победата со 2-0 на гостувањето кај Њујорк Ред Булс, натпревар во кој го постигнал својот прв гол во дресот на Интер Мајами.