Варминско-мазурско Војводство

Варминско-мазурско Војводство
Варминско-мазурско Војводство; województwo warmińsko-mazurskie
	војводство
Знаме	Грб
	; Местоположба во Полска
	; Окрузи во Варминско-мазурското Војводство
Земја	Полска
Седиште	Олштин
Окрузи	2 градски, 19 земски окрузи *
Површина
• Вкупно	24.191,8 км2 (93,405 ми2)
Население (2014)
• Вкупно	1.443.967
• Густина	60/км2 (200/ми2)
• Градскo	856.559
• Селско	570.532
Рег. таб.	N
Мреж. место	wm.24.pl
	понатаму се делат на 116 општини;

Варминско-мазурско Војводство (полски: województwo warmińsko-mazurskie) — војводство во Североисточна Полска. Главен и најголем град е Олштин. Војводството зафаќа површина од 24.192 км² и има 1.443.967 жители (2014).

Создадено е на 1 јануари 1999 г. од целото тогашно Олштинско војводство, западната половина на Сувалското и дел од Елблоншкото Војводство, согласно управната реформа усвоена претходната година. Наречено е по двете историски области во него — Вармија и Мазурија.

Војводството се граничи со Подлаското Војводство на исток, Мазовското на југ, Кујавско-поморското на југозапад, Поморското на запад, Висланскиот Залив на северозапад и Калининградската Oбласт (ексклава на Русија) на север.

Кон почетокот на новиот век, подрачјето било дел од Полско-литванската Државна Заедица. Со првата поделба на Полска во 1772 г. овие области влегле во новосоздадената пруска покраина Источна Прусија како нејзин јужен дел. По Втората светска војна подрачјето е поделено помеѓу Полска и СССР, а сето староседелско германско население е насилно протерано во Германија. И покрај прогоните, денес сепак постои малобројно германско малцинство.

Особено значење во војводството има Мазурското Поезерје, со преку 2.000 езера, меѓу кои и двете најголеми во земјата — Шњардви и Мамри. Меѓу препознатливите знаменитости се вбројуваат замоците како Лиѕбарчкиот, Пјењенежнскиот, Олштинскиот, како и Катедралниот Рид во Фромборк, каде живеел и работел астрономот Никола Коперник. Лиѕбарчкиот замок подоцна станал дом на Игнациј Красицки, наречен „Кнезот на полските поети“. Од посебно духовно значење се христијанските светилишта Швјента Липка во Мазурија и Гетшвалд во Вармија.

Варминско-мазурското Војводство има најбројно украинско население во Полска^[1], што се должи на присилните преселби спроведени од СССР и полската комунистичка власт. Најпознат од овие потфати е операцијата „Висла“.

Градови и гратчиња

Олштин — седиште на војводството и најголем град во Вармија.

Елблонг — најголемиот град во западниот дел на војводството.

Елк — најголемиот град во Мазурија

Оструда — најголемиот град во западниот дел на Мазурија.

Езерското пристаниште во Миколајки.

Војводството има 49 градски населени места, тука наведени по број на жители според состојбата во 2006 година:^[2]

Олштин (176.522)
Елблонг (127.055)
Елк (56.156)
Оструда (33.419)
Илава (32.326)
Гижицко (29.667)
Кентшин (28.000)
Шчитно (25.680)
Бартошице (25.423)
Мронгово (21.772)
Ѓалдово (20.824)
Пиш (19.332)
Брањево (17.875)
Лиѕбарк Вармињски (16.390)
Олецко (16.169)
Ниѓица (14.761)
Моронг (14.497)
Голдап (13.641)
Пасленк (12.179)
Венгожево (11.638)
Нове Мјасто Лубавске (11.036)
Добре Мјасто (10.489)
Бискупјец (10.348)
Орнета (9.380)
Лубава (9.328)
Лиѕбарк (8.261)
Олштинек (7.591)
Барчево (7.401)
Ожиш (5.804)
Суш (5.733)
Решел (5.098)
Руќане-Њида (4.894)
Корше (4.632)
Гурово Илавецке (4.554)
Бјала Писка (4.006)
Миколајки (3.848)
Јежорани (3.376)
Рин (3.006)
Пјењенжно (2.915)
Толкмицко (2.731)
Милаково (2.665)
Пасим (2.550)
Фромборк (2.529)
Биштинек (2.493)
Миломлин (2.305)
Кишелице (2.208)
Залево (2.152)
Семпопол (2.015)
Млинари (1.837)

Управна поделба

Војводското собрание во Олштин.

Војводството е поделено на 21 округ, од кои 2 градски и 19 земски. Тие пак се делат на вкупно 116 општини.

Име и изворно име	Површина (км²)	Население (2006)	Седиште	Други градови	Општини
Градски окрузи
Елблонг Elbląg	80	127.055			1
Олштин Olsztyn	88	176.522			1
Земски окрузи
Бартошички powiat bartoszycki	1.309	61.354	Бартошице	Гурово Илавецке, Биштинек, Семпопол	6
Брањевски powiat braniewski	1.205	43.781	Брањево	Пјењенжно, Фромборк	7
Венгожевски powiat węgorzewski	693	23.641	Венгожево		3
Гижички powiat giżycki	1.119	56.863	Гижицко	Рин	6
Голдапски powiat gołdapski	772	26.989	Голдап		3
Ѓалдовски powiat działdowski	953	65.110	Ѓалдово	Лиѕбарк	6
Елблоншки powiat elbląski	1.431	56.412	Елблонг *	Пасленк, Толкмицко, Млинари	9
Елчки powiat ełcki	1.112	84.760	Елк		5
Илавски powiat iławski	1.385	89.960	Илава	Лубава, Суш, Кишелице, Залево	7
Кентшински powiat kętrzyński	1.213	66.165	Кентшин	Решел, Корше	6
Лиѕбарчки powiat lidzbarski	924	43.006	Лиѕбарк Вармињски	Орнета	5
Мронговски powiat mrągowski	1.065	50.087	Мронгово	Миколајки	5
Ниѓички powiat nidzicki	961	33.955	Ниѓица		4
Новомјејски powiat nowomiejski	695	43.388	Нове Мјасто Лубавске		5
Олечки powiat olecki	874	34.215	Олецко		4
Олштински powiat olsztyński	2.840	113.529	Олштин *	Добре Мјасто, Бискупјец, Олштинек, Барчево, Јежорани	12
Острудски powiat ostródzki	1.765	105.286	Оструда	Моронг, Милаково, Миломлин	9
Пишки powiat piski	1.776	57.553	Пиш	Ожиш, Руќане-Њида, Бјала Писка	4
Шчитенски powiat szczycieński	1.933	69.289	Шчитно	Пасим	8
* седиштето не е дел од округот

Галерија

Знаменитости на Варминско-Мазурското Војводство
Олштинскиот замок
Утврдената катедрала во Фромборк — почивалиште на астрономот Никола Коперник
Лиѕбарчкиот замок
Катедралата „Св. Јаков“ во Олштин
Стариот дел на Решел
Богородичното светилиште во Швјента Липка
Дворецот во Смолајни — летниковец на Игнациј Красицки
Елблоншкиот Канал

Поврзано

Наводи

↑ Малцински народи во Полска Архивирано на 7 ноември 2011 г. — Министерство за внатрешни работи и управа посет. 9 септември 2007 г (полски)
↑ Stat.gov.pl

Надворешни врски

Варминско-мазурско Војводство — официјално мрежно место

53°51′N 20°50′E / 53.850° СГШ; 20.833° ИГД / 53.850; 20.833

[1] Малцински народи во Полска Архивирано на 7 ноември 2011 г. — Министерство за внатрешни работи и управа посет. 9 септември 2007 г (полски)

[2] Stat.gov.pl

[1]

[2]