Билјана Минчева-Шукарова

Билјана Минчева-Шукарова (19 јануари 1948 во Скопје) — македонска универзитетска професорка по физичка хемија.

Билјана Минчева-Шукарова
Родена	Билјана Николова 19 јануари 1948 Скопје, СФР Југославија
Националност	Македонка
Занимање	универзитетски професор

Животопис

Дипломирала физичка хемија на Природно-математичкиот факултет во Белград, а тука и магистрирала(1974). Докторирала (1982) на Одделот за физика на Кингс Колеџ во Лондон. Од 1972 година е на работа на Институтот за хемија на ПМФ во Скопје. Изведувала додипломска и постдипломска настава по предмети од областа на физичката хемија. Научната работа ѝ е од областа на раманската и инфрацрвената спектроскопија, а предмет на изучување ѝ се разни полиморфони форми на мраз, потоа клатрати, глини, минерали и други цврсти супстанци. Во поново време е носител на примената на недеструктивни методи за испитување на состојки во музејски и археолошки објекти. Објавила над 60 научни трудови (во земјата и во странство), а на научни манифестации презентирала деведесетина пленарни и секциски предавања и соопштенија. Била раководител и член на истражувачки тимови на повеќе домашни и меѓународни научноистражувачки проекти. Повеќепати била на студиски престои во странство (најдолго во Велика Британија). Била раководител на Заводот за физичка хемија на Институтот за хемија при ПМФ во Скопје.