Александра Ковачевска
Александра Ковачевска-Цана родена Пановска ( 1928 во В’мбел, Егејска Македонија, Грција — ) — борец во грчката граѓанска војна и членка на групата Костурчанки.[1]
| Александра Ковачевска (Пановска) | ||
| ||
| Родена | 1928 В’мбел, Костурско, Егејскиот дел на Македонија, денес во склоп на  Грција
| |
|---|---|---|
| Народност | Македонка | |
| Занимање | учесник во ДАГ и пејачка | |
| Сопружник | Милтијади Ковачевски | |
| Татко | Никола Пановски | |
| Ќерка | Јованка Ковачевска | |
Животопис
уредиСемејство
уредиВо НОБ на Македонија и во Граѓанската војна во Грција е учесник од 1943 до 1949 година. Целото нејзино семејство учествувало во национално-ослободителното движење. Татко и Никола Пановски бил предвоен комунист, кој за времето на НОБ бил позадински работник, а во Граѓанската војна бил секретар на Окружниот одбор на НОФ за Костурско. Александра била член на Окружниот одбор на АФЖ и политички комесар на чета на раненоносачката единица од реонот Вичо - Малимади се до капитулирањето на ДАГ. Тогаш преминала во Албанија, а од таму емигрирала во Чехословачка, од каде во Македонија со својот сопруг првоборец Милтијади Ковачевски (родум од Смрдеш, Костурско) и три малолетни деца дошла во 1966 година.[1]
Костурчанки
уреди
Александра во групата „Костурчанки” членувала од 1971 година. Заедно со Киља Шмагранова ги започнувала песните. Пеела и како сопран во хорот„ Борец ” од неговото формирање.[1]
Членовите на семејството од Александра биле познати песнопејци. Нејзините родители и брат и биле љубители на изворниот мелос. Таа традиција ја продолжиле и нејзините деца. Цана со својата ќерка Јованка членувале во КУД „Орце Николов” - Скопје.[1]
Позната е изјавата на Александра: „Иако станавме баби, имаме и внучиња, ќе играме и ќе пееме додека имаме душa, нека нашата песна и оро од Костурско се чуе насекаде, за да не се заборави никогаш.”[1]
Наводи
уреди- ↑ 1,0 1,1 1,2 1,3 1,4 Ристески, Стојан (1988). Костурчанки: прилог кон проучувањето на фоклорот од Костурско. Скопје: Наша книга. стр. 52–53. ISBN 978-86-373-0092-2.