Џексон Полок

Пол Џексон Полок (англиски Paul Jackson Pollock) (Коди, 28 јануари 1912 - Спрингс, 11 август 1956) бил американски сликар.

Џексон Полок

На почетокот бил експресионист, а подоцна преминува на апстрактен израз. Извршил силно влијание на современото сликарство и надвор од границите на САД. Паралелно како што растела неговата слава, тој сѐ повеќе пиел, исто како Џек Керуак. Во последната фаза од своето творење на платното фрла бои со четката, а не слика во вистинска смисла на зборот, па затоа го добил прекарот „Џек мачкачот“. Загинал во 44 година од својот живот која со автомобилот се закачил во дрво. Имал две животни сопатнички. Едната ја убил, додека другата преживеала. По смртта, од ателјето му биле продадени сликите кои тој не ги имал за тоа наменето.

Животопис

Се родил на 28 јануари 1912 година на ранчот Воткинс во гратчето Коди, на северозапад од државата Вајоминг, како најмлад од петте синови на фармерот Леров Меклури и домаќинката Стела Меј. Додека во потрага за подобар живот се селеле во Аризона и Калифорнија, мајката се надевала дека синовите нема да завршат како припрости фармери каков што бил нејзиниот маж. Современиците подоцна за Полоковиот проблематичен карактер - неконвенционално облекување, носење на долга коса која не била примерна за добрите момци во тоа време, и постојаното спротивставување на авторитетите - причините ги наоѓале во мајчиното влијание. Имено, иако сонувала дека синовите ќе ѝ станат уметници, не им подарувала ни доволно време, ни мајчина љубов. Освен тоа, со оглед на нивните чести преселби, Џексон ниту во еден град не стигнал да најде добри пријатели. Во првите десет години од неговиот живот, семејството се селело десет пати, секој пат во различен град.