Чентовци
„Чентовец“ или „Чентовци“ претставува поим за приврзаник или приврзаници на идеалите на првиот претседател на Президиумот на АСНОМ, Методија Андонов, неговата личност и дело. Една од поистакнатите организации кои го поддржувале Андонов била ВМРО-СДРМА (подоцна ВМРО-ПРАВДА), а по него населбата Ченто во Скопје го добива своето име. Поради тоа некогаш поимот може да се измеша и со жител на населбата.
Поради своите идеали, Андонов често бил мета на тајните органи на Југославија, посебно на УДБА. Тој во 1944 година се противел 15-от македонски полк да оди на Сремскиот фронт. Исто така, тој се противел на враќање на имотот на избеганите српски колонисти и се залага за поголема финансиска независност и залагање за сопствен буџет на Македонија и на останатите југословенски републики. Комунистите пополека му ја одземаат реалната власт и поради несогласувањето со мерките што ги преземаат комунистите, Ченто на 14 март 1946 година поднесува оставка на функцијата претседател на Президиумот на Народното Собрание на Македонија.[1]
Методија Андонов - Ченто се борел за обединување на македонскиот народ од регионот Македонија и доколку е нужно тоа да се направи под влијание на големите сили.[2]
Наводи
уреди- ↑ ФЕЉТОН: Црните страници на УДБА – Ченто и Доцев на удар (Том IV)[мртва врска]
- ↑ Записник од сослушувањето на обвинетиот Методија Андонов - Ченто, 21 септември 1946, стр. 1/2 „и јас се интересувам за обединението на македонскиот народ и тоа прашање може да биде правилно решено, ако биде признато на прво место од великите сили.“
  | Оваа статија историјата на Македонија е никулец. Можете да помогнете со тоа што ќе ја проширите. |