Црква „Св. Никола“ - Петерско
Свети Никола (грчки: Aγίου Nικολάου) — црква во селото Петерско, Леринско, Егејска Македонија. Влегува во состав на Леринско-преспанско-еордејската епархија на Цариградската патријаршија.[1]
| Свети Никола | |
|---|---|
| Aγίου Nικολάου | |
 | |
| 40°43′45.5″N 21°40′15.0″E / 40.729306° СГШ; 21.670833° ИГД | |
| Место | Петерско, Леринско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Изградба | 1776 |
| Управа | |
| Архијерејско намесништво | Суровичевско |
| Епархија | Леринско-преспанско-еордејска |
Храмот се наоѓа во северниот дел на селото, во подножјето на ридот Курија. Изграден е во 1776 г. од камен, користејќи материјал од околните антички урнатини.[2] Имал улога на парохиски храм на Петерско до 1972 г. Бидејќи селото било под двете пропаганди, во 1880 г. во црквата наизменично доаѓале свештеници на Бугарската егзархија и на Цариградската патријаршија. Во 1895 г. овој храм станал наполно патријаршиски.
Црквата е трикорабна базилика со дрвен покрив, нартекс и женска црква над него.[3][4] Зачуван е дел од оригиналниот живопис во апсидата, во жртвеникот и на дел од јужниот ѕид на наосот.[1] Тие датираат од 1840 г. — период во кој во Леринско работеле зографи од епирското село Кионат.[3] Ви храмот се чуваат 64 икони од XVIII – XIX век, повеќето од кои стојат на дрвениот иконостас. Шест од нив имаат напишан датум — една од 1776 г. со резбана рамка и 5 од почетокот на XIX век. Иконостасот има два реда апостолски икони, царски двери и дел од оригиналниот иконостас од XVIII век.[1]
Камбанаријата е одделна куловидна камена градба северозападно од црквата.[3][4]
Црквата заедно со камбанаријата е прогласена за заштитен споменик на културата во 1992 г.[4]
Поврзано
уредиНаводи
уреди- ↑ 1,0 1,1 1,2 „11η Εφορεία Βυζαντινών Αρχαιοτήτων“ (PDF). Αρχαιολογικόν Δελτίον. Αθήνα: Υπουργείο Πολιτισμού. Τόμος 49 (1994), Χρονικά Β'2: 577. 1999. ISSN 0570-622Χ. Архивирано од изворникот (PDF) на 2018-05-10.
- ↑ „Ελληνιστική Πόλη Πετρών“. amyntaio.gr. Посетено на 14 јуни 2015.
- ↑ 3,0 3,1 3,2 „Μεταβυζαντινός Ναός Αγίου Νικολάου Πετρών“. amyntaio.gr. Посетено на 14 јуни 2015.
- ↑ 4,0 4,1 4,2 „ΥΑ ΥΠΠΟ/ΑΡΧ/Β1/Φ36/13001/336/21-5-1992 - ΦΕΚ 383/Β/11-6-1992“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2020-07-20. Посетено на 2022-04-17. Занемарен непознатиот параметар
|acces-date=(help)