Црква „Св. Никола“ - Мрзен Ораовец

Св. Никола — поствизантиска православна црква во кавадаречкото село Мрзен Ораовец, Општина Росоман. Му припаѓа на Кавадаречкото архијерејско намесништво во Повардарската епархија на МПЦ - ОА.

Местоположба
Свети Никола

Св. Јован Златоуст
македонска православна црква
Епархија	Повардарска
Архијерејско намесништво	Кавадаречко
Парохија	Росоманска

Координати	41°29′05″N 21°51′28″E / 41.48472° СГШ; 21.85778° ИГД / 41.48472; 21.85778
Место	Мрзен Ораовец
Општина	Росоман
Држава	Македонија
Општи податоци
Покровител	Свети Никола
Завршено	1584 или 1694
Живопис	1694
Архитектонски опис
Архит. тип	еднокорабен

Црквата е изградена и живописана во 1694 година, според зачуваниот натпис над влезот од внатрешната страна. Претставува мала еднокорабна градба, градена од камен и варов малтер. На источната страна има петстрана олтарна апсида од надворешната страна. Одвнатре црквата е засводена со полукружен свод. Во олтарниот простор е олтарната конха, а северно и јужно од неа има две мали ниши — проскомидија и ѓаконик. Зографските работи се завршени исто така во 1694 г. како што е наведено на натписот. Авторите на фреските се непознати. Иконостасот и иконите на него, како и царските двери се од XIX век.^[1]

Живописот се одликува со изразен графизам и студени бои.^[2]

Викторија Поповска-Коробар дава ново толкување на ктиторскиот натпис и по подлабока анализа на иконографската програма заклучува дека храмот датира од 1584 г.^[3]