Хускарл

Хускарл (старонордиски: húskarl; староанглиски: huscarl) — елитен воин што служел како телохранител и војник на кралевите и благородниците во Средновековна Скандинавија и Англосаксонска Англија. Хускарлите биле лична стража на важни луѓе. Биле обучени и вешти борци, често вооружени со мечеви, штитови, а понекогаш и со секири или копја.

Рунскиот камен U 330 го споменува хускарлот Асур/Озур

Етимологија

Изразот има нордиско потекло од старонордиски húskarl, каде што hús значи дом, кралски двор, а karl — карл, слободен човек.

Во Англија

Во Стара Англија во текот на XI век, постоела посебна група наречена „Гарда на хускарлите“. Овие луѓе биле телохранители на кралот. Тие првпат биле создадени од кралот Кнут Велики, кој бил од Данска и станал крал на Англија откако ја презел власта.

Хускарлите биле многу верни кон кралот и имале строг кодекс што го следеле. Се сметале за врвни војници, дури како благородници, и биле платени од кралот со нешто наречено „дански пари“. Тие не биле само борци; добивале и земја од кралот како награда за нивната служба.

Пред Норманите да ја заземат Англија, хускарлите биле главните борци во англосаксонската војска. Правеле работи како чување важни места за кралот Едвард. Иако биле навистина силни, ги немало многу во број, па обично не се тепале сами. Повеќето од нив загинале во големата битка наречена Битка кај Хејстингс во 1066 г., а останатите ја напуштиле Англија кога Норманите ја презеле контролата. Некои дури отишле да се борат за византискиот император против Норманите во Јужна Италија.

Надворешни врски

• Anglo-Saxon Huscarls