Туризам во Албанија
Туризмот во Албанија се одликува со археолошкото наследство уште од времето на старите Илири, Грци, Римјани и Отоманци, потоа со преубавите плажи на албанското крајбрежје, огромните и прекрасни планини, вкусната албанска кујна, бункерите од светските војни, гостопримството, традицијата, ниските цени и преубавата селска средина. Списанието Lonely Planet ја рангира Албанија на место број 1 кое треба да се посети во 2011 година.[1] The New York Times ја рангира Албанија 4-та помеѓу 52 одредишта кои треба да бидат посетени во 2014.[2] Иако сè уште неоткриена, Албанија полека го зазема заслуженото место во туризмот, после цел еден век од независноста.[3] Huffington Post наведе 10 причини за посета на Албанија во 2013 година.[4] Неодамна, Албанија беше официјално наречена "Go Your Own Way". Претходно, беше условена како "A New Mediterranean Love" и "Europe's Last Secret".[5]
Најголемиот дел од туристите во Албанија доаѓаат од соседните земји: Косово, Македонија, Црна Гора, Грција, Италија и албанската дијаспора.[6] Странските туристи најчесто доаѓаат од Средна и Источна Европа, поточно од Полска, Чешка, Словачка и Унгарија, потоа Германија, Белгија, Холандија, Франција, Британија и Скандинавија, и на крај од САД, Турција и некои азиски земји.[7]
Спротивно од некои шпекулации, Албанија е безбедна земја за патување[8] со топли луѓе кои помагаат придржувајќи се на познатата реченица Buke, Kripe e Zemer (Леб, Сол и Срце). За подобро уживање и покорисни информации, гостите кои доаѓаат за првпат во Албанија се консултираат и охрабруваат преку мрежни места и форуми, или просто резервираат билет преку некој локален тур-оператор. Организираните групи кои доаѓаат ги посетуваат археолошките наоѓалишта, историските градови, или се одмараат во Драч и Шенѓин. Во последно време, голема заинтерсираност има за сплаварењето, набљудувањето на птици, велосипедизам, планинарење, пешачење и тури низ руралните средини. Исто така, популарен е и "дентал" туризмот, поради многу ниските цени за изведување на стоматолошки услуги. Локалната традиционална кујна може да се проба во земојделските подрачја, покрај туристички атракции и убави места секаде низ државата.
Meѓутоа, лошата страна што се заканува на туризмот е слабата патна мрежа и инфраструктура, нерегулирани соодветни места за отпад, нелегална изградба на објекти, нерешена сопственост на земјиште и неквалификуваниот сектор за гостопримство. Сево ова е резултат на долгата изолација на Албанија, но во последните години се докажува спротивното. Поголемиот дел на главни патишта, некои планински се изградени преку европските ИПА фондови. Приватниот сектор и странските дарители инвестираат во сместувачки капацитети и во реновирање на историски наоѓалишта.[9]
Наводи уреди
- ↑ „From BalkanTravellers.com http://www.suite101.com/content/lonely-planet-albania---in-from-the-cold-in-2011-a303777“. BalkanTravellers. Архивирано од 400,000 More Tourists Visited Albania in 2008 изворникот Проверете ја вредноста
|url=(help) на 2008-11-21. Посетено на 2016-03-18. Надворешна врска во|title=(help) - ↑ „52 Places to Go in 2014“. The New York Times. 10 January 2014.
- ↑ Richardson, Whit (22 October 2012). „The Place: Albania Steps Into the Spotlight“. National Geographic.
- ↑ Giray, Leyla (27 December 2012). „10 Reasons 2013 Is The Time To Visit Albania“. The Huffington Post.
- ↑ „Albanie“. Посетено на 16 June 2015.
- ↑ „архивски примерок“. Архивирано од изворникот на 2012-01-19. Посетено на 2016-03-18.
- ↑ Turizmi ne Shqiperi: Reklama per Evropen Lindore, Shqiperia.com
- ↑ Fidler, Stephen (30 May 2008). „Balkans 'safer' than west Europe“. Financial Times.
- ↑ Satterlee, Saundra (2 Nov 2015). „Albania property: a hidden gem opening up to the world“. The Telegraph.