Трајко Димитров
Трајко Димитров (Скопје, 8 август 1930 - Скопје, 5 јануари 2023) — македонски архитект. Припаѓа на првата генерација архитекти запишана на Архитектонскиот отсек на Техничкиот факултет во Скопје во 1949, а дипломирал во 1956 година. По дипломирањето се вработил во Заводот за станбена изградба во Скопје, којшто подоцна се трансформирал во Македонијапроект и тука останал сè до истекот на неговиот активен работен стаж во 1990г. Својата кариера претежно ја посветил на проектирањето на објекти од општествен карактер, давајќи притоа посебен акцент на спортските објекти.[1]
| Трајко Димитров | |
|---|---|
 Портрет на Трајко Димитров | |
| Роден(а) | 8 август 1930 Скопје, Македонија |
| Починал(а) | 5 јануари 2023 Скопје |
| Националност | Македонец |
| Ателје | Македонијапроект |
Животопис
уредиПотекнува од занаетчиско семејство. Татко му Ѓорѓи,роден 1902 во Булачани е истакнат мајстор во градот за изработка на мебел, а мајка му Стојна, родена 1903 во Пагаруша, потекнува од семејство кое според семејната традиција имало свој рудник за вадење и обработка на мермер. До 1937 живеел во маалото Буњаковец, а потоа за време на школувањето и студиите па сè до 1962 во Дебар Маало.[1]
Починал на 5 јануари 2023 година во Скопје.[2]
Позначајни дела
уреди- 1958 Домот на културата „Кочо Рацин” во Скопје,
- 1962 Станбениот блок ( П+5+По) на аголот на улиците „Ленинова” и „Орце Николов” во Скопје
- 1966 Пристанишна аеродромска зграда „Скопје” во Петровец, Скопје
- 1968 Природонаучен музеј на Македонија,Скопје
- 1970 Кошаркарската сала „Работнички” во Скопје, (со арх. Живко Гелевски)
- 1973 Универзалната спортска сала на Тутунски комбинат во Прилеп,
- 1973 Основно училиште „Гоце Делчев” во Кавадарци,
- 1978 Покриениот пливачки базен „Младост” во Скопје
- 1979 Универзалната спортска сала во Куманово (со арх. Живко Гелевски)
- 1986 Административно-деловниот комплекс „Палома Бјанка” во Скопје
-
Природонаучен музеј во Скопје
Награди и признанија
уреди- 1966 Борбина плакета, за пристанишна аеродромска зграда „Скопје” во Петровец, Скопје
- 1973 Златна јубилејна плакета, за универзалната спортска сала на Тутунскиот комбинат во Прилеп,
- 1981 Голема награда на Бимас, за Универзалната спортска сала во Куманово
Наводи
уреди- ↑ 1,0 1,1 Трајко Димитров, страница на „МАРХ“.
- ↑ „ПОЧИНА ТРАЈКО ДИМИТРОВ, АРХИТЕКТОТ НА ПРИРОДОНАУЧНИОТ МУЗЕЈ, БАЗЕНОТ „МЛАДОСТ", „ПАЛОМА БЈАНКА"“. СДК. 5.1.2023. Посетено на 25 јануари 2023. Проверете ги датумските вредности во:
|date=(help)