Стурлиен

Стурлиен е село и скијачки центар кој се наоѓа во општината Ере во Јемтланд, Шведска, два километри од шведско-норвешката граница. Примарните основи на населбата се туризмот и животот на отворено - алпско скијање, возење на снег, скијање на крос-кантри, лов, риболов и пешачење. Повеќето од туристите во Стурлиен се Норвежани. Шведското кралско семејство има куќа во Стурлиен, каде што обично го слават Велигден и Новата година. Исто така, претходно имало санаториум.

Панорама од врвот на скијачката област

Стурлиен, меѓу другите услуги, има хотел наречен „Планинска ложа Стурлиен“ и село за одмор, но Голем дел од имотот во селото е во сопственост на Ларс Нилсон, агент за недвижности. Хотелот порано бил најголемиот во земјата. Во 2011 година, Улрих Џон, инвеститор за недвижности во Стокхолм, ги купил, лифтовите и „неколку илјади хектари од планината“, но тој го продал хотелот во 2013 година.

Историја

Централната линија во 1882 година, Стурлиен

До почетокот на 19 век, Стурлиен најчесто се користел од Норвежаните за лов, риболов и летно пасиште. Селото за првпат било населено во 1844 година, а кон крајот на 19 век започнало својот развој во туристички центар. Централната линија била отворена во 1882 година, а лекарот Ернст Вестерлунд отворил летна практика таму во истата година. Неколку години подоцна, се отвориле два хотела. Благодарение на лесно достапниот високопланински терен и железничката станица, Стурлиен наскоро станал центар за активностите на организацијата за активности на отворено. Во 1924 година, по иницијатива на женски инструктори, тие одржале четиридневен курс за „модерна техника на скијање“ во Стурлиен во соработка со шведската скијачка делегација и Шведската туристичка асоцијација. Инструктор бил Гунар Дихлен, кој предавал различни начини за свртување на скиите, и затоа курсот исто така се сметал за почетна точка за организирано алпско скијање во Шведска. Во 1933 година принцот Густаф Адолф и принцезата Сибила добиле апартман за одмор како подарок за венчавката од Скидфрајмандет, кој сè уште е во сопственост на кралското семејство.

Шведскиот скијачки пионер Оле Римфорс ги посетил австриските Алпи и се вратил со практични знаења за алпско скијање. Кога се вратил во 1934 година, тој ја направил првата патека за слалом во Шведска. Во 1935 година, таму се одржало првото меѓународно натпреварување во слалом во Јемтланд според правилата на Меѓународната скијачка федерација. Првиот слалдомски клуб во Шведска бил организиран во Стурлиен, со целата земја како нејзин регион.

За време на Втората светска војна, Стурлиен бил користен од војската и бил ограничена дестинација. Во 1940 година, тајните воени преговори меѓу Шведска и нацистичка Германија се одржале таму во железнички вагон.

Во 1942 година, првиот ски-лифт бил отворен во Стурлиен, вториот што бил изграден во Шведска. Во 1958 година хотелот бил проширен на капацитет од 550 гости; бил најголем во земјата и во средината на 1960-ти вработувал 274 луѓе.

Помеѓу 1972 и 1995 година, индустријалецот Метс Карлгрен бил мнозински акционер на хотелот, кој банкротирал во 1998 година. Следната година Ларс Нилсон го купил хотелот и околината, околу 3.000 хектари земјиште, за 37милиони круни. Во јули 2011 година, инвеститорот за недвижности во Стокхолм, Улрих Џон го купил хотелот и значителен дел од планината. Хотелот не се отворил за сезоната 2012-2013, но новиот сопственик го отворил за време на сезоната во 2013-2014.

Стурлиен е популарен меѓу посетителите од норвешката област Тренделаг, кои одат таму за пазарење на границата, планински одмор и скијање.

Скијачка област

Станицата Стурлиен, во центарот на селото е највисоката станица во Шведска

Скијачката област кај Стурлиен има 9 лифтови и 23 падини. Сепак, вертикалниот пад е релативно низок 191 метар, и следствено падините се прилично кратки. Постојат 3 детски области со лифтови и лесни падини, и ноќно скијање под светла секој петок во Слаломбакен.

Клима

Климата на Стурлиен е субарктичка клима под влијание на морето. Сметајќи дека е скијачки центар, Стурлиен има релативно блага зимска клима, под влијание на ОАтлантскиот кеан и неговото затоплување. Ова значи дека и покрај релативно високата надморска височина, Стурлиен во просек има поблаги зими од крајбрежјето на Ботниски Залив на источниот брег. Тоа е, исто така, шведска метеоролошка станица најблиску до главниот Атлантик, доколку се исклучат временските станици сместени крај брегот на Категат и Скагерак. Летата се исто така под влијание на височината и Атлантскиот Океан со студени дневни температури и многу ладни, а понекогаш и студени ноќи. Стурлиен има многу врнежи според шведските стандарди, достигнувајќи врв во јули, август и септември. Сепак, зимските врнежи сè уште се доволно значајни за речиси да ги гарантираат условите за скијање. Особено за време на поблагите зими кои доминираат во северноатлантските делови со низок притисок, акумулацијата на снег може да биде многу висока. Во мај 2020 година, 148 самнтиметри снег останувал на земјата, и покрај тоа што било доцна пролет.

Сообраќај

Железничката станица „Стурлиен“, во центарот на селото, на речиси 600 метри надморска височина е на централната линија која се протега од Трондхејм во Норвешка до Сундсвал во Шведска. Нортег управува со возови помеѓу Сундсвал и Стурлиен. Тука веќе нема ноќни возови, тие сега завршуваат во Дувед, но порано имало ноќни возови што се движеле цела година во двата правци помеѓу Стурлиен и Гетеборг, Стокхолм и Малме.

Најблиските аеродроми се аеродромот Трондхејм, Вернес, приближно 70 километри на запад во Норвешка и аеродромот Ерестерсунд, околу 150 километри на исток. Автопатот Е14 минува низ Стурлиен.

Во популарната култура Стурлиен се споменува во Момчињата од Бразил.