Јохан Бајер

Јохан Бајер (герм. Johann Bayer), (1572 – 7 март 1625) е германски правник и астрономски картограф. Роден е во 1572 г во Рајн, Баварија. Во 1592 запишал философски студии во Инголштат, а подоцна се преселил во Аугсбург и станал правник. Таму почнал да ја изучува и практикува астрономијата. Во 1612 станал правен советник на градската управа на Аугсбург. Починал во 1625.

Илустрација на соѕвездието Орион во Бајеровата „Уранометрија“

Бајер е најпознат по неговиот ѕвезден атлас „Уранометрија“ (Uranometria, 1603), што претставува првиот атлас на сета небесна сфера. Во него вовел нов систем на означување на ѕвездите, подоцна наречен „Бајерово означување“. Во делото се вклучени 12 нови соѕвездија од јужниот крај на небото што не им биле познати на грчките и римските астрономи.

Во негова чест е именуван кратерот Бајер на Месечината.

Поврзано

• Јулиус Шилер
• Џон Флемстид

Надворешни врски

• Полн дигитален факсимил - Библиотека „Линда Хол“