Скопски народен театар

Скопски народен театар — драмски театар основан од страна на бугарската држава, кој работел за време на бугарската окупација на Македонија (1941 - 1944) во Скопје за време на Втората светска војна од 1941 до 1944 година.

Историјат уреди

Театарот бил основан од Министерскиот совет, со документ од 1 јули 1941 година. За директор на театарот бил назначен со указ на цар Борис III, Стоил Стоилов. За режисери биле поставени Стефан Срчаџиев и Александар Иконографов, а за секретар-драматург – Петар Горјански.^[1]

Во текот на 1942 година, со Законот за театрите, добива статус Народен театар. Театарот организирал курс за драмски артисти, а предавачи биле Стоил Стоилов, Александар Иконографов, Стефан Сорчаџиев, Петар Горјански и Теодор Трајанов. Театарот прикажувал претстави во Брно, Прага, Букурешт, Белград, Љубљана, Загреб, Куманово, Крива Паланка, Штип, Битола, Велес. На 5 јуни 1944 година, се давала последната претстава на театарот, а потоа театарот бил распуштен.^[2]

Драмскиот ансамбл:

Р.бр.	Име	Р.бр.	Име	Р.бр.	Име	Р.бр.	Име
1	Милка Ерато	11	Евгенија Громова	21	Веса Кортенска	31	Павлина Попова
2	Петко Атанасов	12	Христо Динев	22	Иван Куманов	32	Георги Попов
3	Светослав Атанасов	13	Бојанка Донева	23	Веселана Манафова	33	Кирил Попов
4	Иван Бакалов	14	Кирил Донев	24	Марта Мјанкова	34	Љубен Попов
5	Васил Бакарџиев	15	Цвета Иванова	25	Тодор Николов	35	Штиљан Попов
6	Пенка Василева	16	Екатерина Кожухарова	26	Розка Петрова	36	Петар Прличков
7	Владимир Ватев	17	Рајна Колева	27	Идеал Петров	37	Вичо Рајков
8	Георги Георгиев	18	Вера Константинова	28	Никола Попиванов	38	Александра Тагарова
9	Љубен Георгиев	19	Стефка Кортенска	29	Добринка Попова	39	Енчо Тагаров
10	Георги Громов	20	Стефан Кортенски	30	Емилија Попова	40	Ана Трифонова
						41	Константин Хаџиминев^[1]^[2]
						42	Димитар Костаров

Театарски претстави уреди

Во текот на театарската сезона 1941/1942 г., театарот имал 262 изведби со вкупен број од околу 106.801 посетители. Освен театарските претстави, во театарот се одржувале и уметнички и литературни вечери.^[3]

Галерија уреди

Драмскиот ансамбл на Народниот театар во Скопје, 1941-1944 г.
Стоил Стоилов, претседател на театарот.
Колективот на театарот.
Зградата која ја користел театарот.
Рушевини на театарот по Земјотресот во Скопје од 1963.
Челни лица на театарот и функционери од Бугарија при посета на Скопје.
Карикатура по повод конференција на театарски директори. Конференцијата била одржана во Скопје.
Брошура со податоци за режисерот, авторот и глумците, како и кратка содржина за претставата „Татковци и синови“ од Владимир Пољанов , изведувана во Народниот театар во Скопје во сезоната 1943-1944.