Сечи докторе
Сечи докторе (англиски: Nip/Tuck) — американска серија, создадена од Рајан Марфи, која во Македонија почна да се прикажува во септември 2010, на А1 Телевизија. Серијата е фокусирана на болницата за пластична хирургија „Мекнамара/Трој“, и го следи животот на двајцата главни протагонисти докторите Шон Мекнамар (Дилан Волш) и Кристијан Трој (Џулијан Макман), кои се најдобри другари уште од факултет. Во секоја епизода се прикажани козметички промени на еден или повеќе пациенти, како и проблемите во приватниот и професионалниот живот на главните протагонисти.
| Сечи докторе Nip/Tuck | |
|---|---|
 Логото на серијата. | |
| Жанр | медицинска драма психолошки хорор |
| Создадена од | Рајан Марфи |
| Улоги | Дилан Волш Џулијан Макман Џули Ричардсон Џон Ненсли Рома Мафиа |
| Воведна тема | „A Perfect Lie“ од The Engine Room |
| Земја на потекло |  САД |
| Првичен јазик | Англиски |
| Бр. на сезони | 6 |
| Бр. на епизоди | 100 (список на епизоди) |
| Производство | |
| Местоположба | Мајами, Холивуд[1] |
| Времетраење | 42-65 минути |
| Прикажување | |
| Првична мрежа | FX и А1 Телевизија за Македонија[2] |
| Првично прикажување | 20 јули 2003 - 3 март 2010 |
| Надворешни врски | |
| Мрежна страница | fxnetworks.com/shows/originals/niptuck/ |
Во САД шоуто започнало со емитување во 2003 година, а шестата и последната сезона започнала на 14 октомври 2009, а завршила на 3 март 2010 со последната 100-та епизода од серијалот. Снимањето на првите 4 сезони се одвивало во Мајами, но сепак кон крајот на четвртата сезона снимачките терени биле релоцирани во Лос Анџелес и многу нови личности се појавиле. Шоуто доби 45 номинации за награда, со тоа што зеде Златен Глобус и Еми награда.[3] Критиките и контроверзиите често доаѓаа за темите кои преовладуваат во шоуто како насилство, сексуалност, употреба на дрога и хируршки процедури. Крајот на третата сезона стана најгледаниот програм во историјата на телевизијата FX. Создавачот на шоуто Рајан Марфи вели дека 90% медицинските случаи кои се прикажани во шоуто се засновани на факти.[4]
Приказна уреди
Серијата го следи животот на двајцата пластични хирурзи од Флорида, докторот Шон Мекнамар (Дилан Волш) и докторот Кристијан Трој (Џулијан Макман), кои се најдобри другари уште од факултет и заедно ја основале клиниката за пластична хирургија „Мекнамара/Трој”. Со напорна работа клиниката станала една од најпрестижните во Мајами. Кристијан и Шон се со потполно различен поглед на животот. Шон е семеен човек, но се помалку задоволен од својот живот, како и својата сопруга Џулија (Џули Ричардсон), која одлучува да се врати на факултет, кој го има напуштено кога се омажила за Шон. Тој на работа бега од својот живот и од сопругата Џулија, бунтовниот син – тинејџер Мет и малата ќерка Ана. Додека пак Кристијан е арогантен женкар кој сака вино, жени, пари и секс. Ќе направи се за да го добие она што го сака (ќе лаже, мами, краде,...), а поради тоа не чувствува никаква грижа на совест.
Наводи уреди
- ↑ Nip/Tuck
- ↑ Сечи докторе на a1.com.mk
- ↑ "The Internet Data Datatbase" http://www.imdb.com/title/tt0361217/
- ↑ „Entertainment Weekly“. Архивирано од изворникот на 2008-09-05. Посетено на 2021-08-28.
Надворешни врски уреди
- Официјално мрежно место
- Ворнер видео: Nip/Tuck Официјално мрежно место
- TVGuide: Страната на Nip/Tuck на TVGuide
- CTV.ca Nip/Tuck CTV.ca мрежно место Архивирано на 20 јуни 2009 г.