Св. Богородица Пречиста (Злести)

археолошко наоѓалиште во Македонија
Св. Богородица Пречиста

Поглед на ископините од Св. Богородица, заедно со новата црква

Карта

Местоположба 41°17′01″N 20°48′51″E / 41.28361° СГШ; 20.81417° ИГД / 41.28361; 20.81417Координати: 41°17′01″N 20°48′51″E / 41.28361° СГШ; 20.81417° ИГД / 41.28361; 20.81417
Основни податоци
Место Злести
Тип

 црква

 некропола

Период римско време
среден век
Портал „Археологија“

Св. Богородица Пречиста (понекогаш спомнувано и како Раштани) — старохристијанска базилика и средновековна црква со некропола, чиишто остатоци и рушевини од ѕидините се наоѓаат во наоѓалиштето „Раштани“, во непосредна близина на селото Злести, 30 километри северно од градот Охрид.[1]

Средновековната црква на наоѓалиштето изградена на темели на старохристијанска базилика се верува дека била подигната за време на животот и делото на светите Климент и Наум.[2][3]

Местоположба уреди

Во месноста Раштани на 2 километри југозападно од селото Злести и на околу 400 метри десно од патот кон соседното село Ботун има блага падина на која се гледаат урнатини од црква, која жителите ја викаат „Св. Богородица Пречиста“.

Градба уреди

Црквата е триконхална, со нартекс и егзонартекс, како и со две помали простории - анекси, кои се наоѓаат северозападно од северната и југозападно од јужната конха. Најголемата должина на црквата е 17 метри, а ширината е 9 метри. Градена е од кршен камен и варов малтер, на одделни места со тули. Ширината на ѕидовите изнесува 0,90 метри, а најголемата зачуваност е 2 метри и тоа на северниот анекс.

Пронајдоци уреди

По ѕидовите во внатрешноста на црквата се сместени повеќе мермерни меноа, бази со орнаменти, фрагменти од столбови, мермерен праг, сите употребени како сполии. Меѓу нив има и една ара со натпис што е нечитлив. Овие податоци укажуваат дека оваа црква е подигната врз темели на старохристијанска базилика. Југозападно од неа се гледаат големи камени плочи од гробни конструкции со насоченост исток-запад. Наодите се чуваат во Заводот и музеј во Охрид.

Злестински манастир уреди

Во самото наоѓалиште, во поново време е изградена новиот Злестински манастир заедно со неговата единствена манастирска црква „Рождество на Пресвета Богородица“, изградена во непосредна близина на наоѓалиштето.

Наоѓалиштето во рамките на манастирскиот двор се наоѓа во средина, со што е продолжена низата на црковни објекти кои се наоѓале на оваа месност од старохристијанскиот период до денес.

Галерија уреди

Остатоци од градби и ѕидини на наоѓалиштето

Наводи уреди

  1. Коцо, Димче (1996). „Археолошка карта на Република Македонија“. Скопје: МАНУ. ISBN 9789989101069
  2. Т., О. (5 октомври 2013). „Фрескоживописот, сакралната и рурална архитектура и селските слави и обичаи во Дебрца“. OhridNews.com. Охрид. Посетено на 27 август 2016.
  3. Ристовски, Блаже, уред. (2009). „Архитектура“. Македонска енциклопедија. , книга I (А-Љ). Скопје: МАНУ. стр. 116. Text "series " ignored (help)

Надворешни врски уреди