Радмила Шекеринска

Радмила Шекеринска Јанковска (10 јуни 1972 во Скопје) — македонска политичарка, поранешна министерка за одбрана на Република Македонија.

Радмила Шекеринска
Официјален портрет (2020 г.)
Министерка за одбрана
На должноста 1 јуни 2017 – 17 јануари 2022
Претседател	Ѓорге Иванов
Премиер	Зоран Заев
Претходник	Зоран Јолевски
Наследник	Славјанка Петровска
Премиерка на Македонија вршител на должност
На должноста 18 ноември 2004 – 17 декември 2004
Претседател	Бранко Црвенковски
Претходник	Хари Костов
Наследник	Владо Бучковски
Вицепремиерка за евроинтеграции
На должноста 12 мај 2004 – 2 јуни 2004
Претседател	Бранко Црвенковски
Претходник	Бранко Црвенковски
Наследник	Хари Костов
На должноста 1 ноември 2002 – 27 август 2006
Премиер	Бранко Црвенковски Хари Костов Владо Бучковски
Наследник	Габриела Конеска Трајковска
Лични податоци
Роден(а)	10 јуни 1972(1972-06-10) Скопје, СР Македонија, СФРЈ
Партија	СДСМ
Сопружник	Божидар Јанковски
Деца	1
Установа	Скопски универзитет Универзитет Тафтс

Животопис

Радмила Шекеринска магистрира на престижната школа за дипломатија и право „Флечер“ во САД во 2007 година. Шекеринска има дипломирано на електротехничкиот факултет во Скопје во 1995. Во текот на 1996 година работи како асистент за односи со јавност во Институтот Отворено општество Македонија. Од 1997 до 2002 работи како асистент на Електротехничкиот факултет.

Зборува англиски и француски јазик и исто така е автор на повеќе научни и стручни трудови од својата област. Добитник е на наградата “Глобални Водачи на Утрешнината“ што ја доделува светскиот економски форум.

Политички функции

Од 1993 година Шекеринска е избрана за член на ЦО на СДСМ во неколку мандати. Од 1995 е член на претседателството на ЦО на СДСМ, а во 1999 година е избрана за потпретседател на ЦО на СДСМ и за меѓународен секретар на партијата. Во периодот 1995 - 1999 година, ја врши функцијата претседател на СДММ, а во 1997 - 1998 година е и портпарол на СДСМ. Подоцна е избрана за потпретседател на Партијата, а на 5 ноември 2006 година е избрана и за претседател на Партијата.

Од 1996 до 1998 година Шекеринска е член на Советот на Град Скопје. Во 1998 е избрана за пратеник во Собранието на Република Македонија. Во овој период ги врши функциите: заменик-координатор на Пратеничката група на СДСМ, член на комисијата за надворешна политика, член на комисијата за образование и наука, член на комисијата за животна средина, млади и спорт, член на делегацијата во Интерпарламентарната унија (УПИ) и член на пратеничката група за соработка со Европскиот парламент.

Во 2002 година повторно е избрана за пратеник во Собранието на Република Македонија, а од 1 ноември 2002 до 2006 година е заменик-претседател на Владата на Република Македонија, задолжена за Европска интеграција и Координација на странската помош.

Надворешни врски

• Радмила Шекеринска на мрежното место на Владата на Република Северна Македонија. Архивирано на 12 јануари 2022.
• Радмила Шекеринска Јанковска на мрежното место на Министерството за одбрана на Република Северна Македонија. Архивирано на 12 јануари 2022.

Политички функции
Претходник Зоран Јолевски	Министер за одбрана на Македонија 2017–2022	Наследник Славјанка Петровска
Претходник —	Вицепремиер за евроинтеграции 2002–2006	Наследник Габриела Конеска Трајковска
Партиски функции
Претходник Владо Бучковски	Претседател на СДСМ 2006–2008	Наследник Зоран Заев