Орањестад (Свети Евстахиј)

главно гратче на остривот Свети Евстахиј, Карипска Холандија

Орањестад (холандски: Oranjestad) — главно и најголемо населено место на островот Свети Евстахиј во Карипска Холандија. Населението брои околку 1.000 жители.[1]

Орањестад
Oranjestad
гратче
Шеталиште во Долниот Град на Орањестад
Шеталиште во Долниот Град на Орањестад

Орањестад во рамките на Свети Евстахиј
ЗемјаХоландија
Јавно телоСвети Евстахиј
Население
 • Вкупно1.000
Часовен појасAST (UTC-4)
КлимаAw
Тврдината Орање

Географија и описУреди

Ова е пристанишно гратче, поделено на два дела: Долен и Горен (Lower Town и Upper Town). Долниот Град излегува на пристаништето и се состои од појасот крај самото море, со продавници за нуркачка опрема и разни рушевини од колонијално време. Во Горниот Град се наоѓа обновениот центар на стариот град и претставува средиште на стопанските дејности на островот.

Во гратчето има бакалници, ресторани и барови, библиотека, неколку училишта, една клиника и зградите на управата. Има доста посетители од соседниот остров Свети Кристофер, кои доаѓаат да пазаруваат увозна стока по поевтини цени.

Историски местаУреди

Најголемата знаменитост на Орањестад е тврдината Орање од XVII век во строгиот центар на градот, која е добро одржана и гледа кон морето. Изградена е на карпи кои се издигаат над брегот и има топови, целосно зачувани бастиони и воен двор. Во близина се наоѓа музејот, а недалку се и остатоците на една од најстарите синагоги на западната полутопка заедно со нејзините гробишта.

Други забележителни градби се делумно срушената холандска реформистичка црква од 1755 г. како и разни обновени куќи на трговците и онаа на управникот (Gezaghebber), која важи за најстара. Тука има и обновени домови во карипски стил со дрвена градба. Дел од градбите од XVIII век со време биле проголтани од морето и истите можат да се видат само со нуркање.

ПоврзаноУреди

НаводиУреди

  1. Факти за Свети Евстахиј — Светски атлас (англиски)

Надворешни врскиУреди

Координати: 17°29′00″ N; 62°59′00″ W / 17.4833° N; 62.9833° W / 17.4833; -62.9833