Наум Торбов
Наум Торбов (Гопеш, 18 ноември 1880 - Софија, 2 јуни 1952) — виден бугарски архитект, ја проектирал зградата на Централните хали во главниот град на Бугарија, Софија.
| Наум Торбов | ||
| ||
| Роден | 18 ноември 1880 Гопеш | |
|---|---|---|
| Починал | 2 јуни 1952 Софија | |
| Занимање | архитект | |
Животопис
уреди
Наум Торбов - роден во големото македонско влашко село Гопеш, Битола, тогаш во Отоманското Царство. Татко му на проф. Цеко Торбов му бил прв братучед. Неговото семејство емигрирало во Бугарија и се населило во градот Орјахово, а Наум бил испратен да студира архитектура во Романија, на Институтот за ликовни уметности во Букурешт. По дипломирањето во 1904 година, Торбов се враќа во Бугарија и започнува да работи во Софија во Министерството за јавни згради, патишта и јавни работи. Во 1906 година бил назначен за раководител на отсекот „Архитектура“ при општина Софија, а во 1908 година започнал приватна архитектонска пракса.[1] Бил член на Бугарското инженерско-архитектонско друштво.[2]
Творештво
уредиТорбов бил приврзаник на национално-романтичниот тренд во архитектурата. Автор е на над 100 јавни, индустриски и станбени објекти во Софија, Орјахово, Силистра, Ботевград, Дупница, Мездра. Меѓу неговите најпознати градби се:
- Хотел Континентал
- Хотел Париз
- Куќата на Хентови на улица Књаз Борис I бр. 135 во Софија (1906)
- Градска уметничка галерија Софија (поранешното казино – 1908)
- Куќата на Станишеви, подоцна Главно муфтиство, на улицата Браќа Миладинови бр. 27 во Софија (1909)
- Столарска зграда на булеварот Христо Ботев бр. 71 во Софија (1910)
- Централни софиски хали на булеварот „ Принцеза Марија-Луиза“ во Софија (1911)
- Зградата на Димитар Костов на улица „Алабин“ бр. 36 во Софија (1914)
- Романски институт на улицата Егзарх Јосиф во Софија (1933)
Галерија
уреди
Наводи
уредиНадворешни препратки
уреди- Наум Торбов – скромниот архитектонски герой на Софија Архивирано на 23 март 2020 г., „Пътеводител за историјата и дува на Софија“